Սամվել Կարապետյանը կգնի Սևան–Հրազդան ՀԷԿ-ը «ՌուսՀիդրո»-ից

Ռուսական «Կոմերսանտ» թերթը գրում է, որ «ՌուսՀիդրո» մտադիր է Հայաստանում Սևան–Հրազդան ՀԷԿ-ը վաճառել Սամվել Կարապետյանի «Տաշիր» ընկերությունների խմբի կառույցներին:

Կասկադի արժեքը կարող է կազմել 173 միլիոն ռուբլի (մոտ 2,7 մլն դոլար): Գնորդը կպարտավորվի նաև մարել վարկերը: Ըստ փորձագետների, գործարքը ձեռնտու է երկու կողմերին՝ «ՌուսՀիդրոն» կազատվի պարտքերից, իսկ «Տաշիրը» կընդլայնի ներկայությունը ՀՀ էներգետիկ հատվածում:

Թերթի հետ զրույցում «Տաշիրի» ներկայացուցիչը հաղորդել է, որ խումբը «որպես Հայաստանում խոշորագույն ընկերություն էլեկտրոէներգետիկ ոլորտում մեծ ուշադրությամբ է հետևում ոլորտի շուկայական գործընթացներին՝ երկրի համար ամենակարևորներից մեկը...»:

Թերթը հայտնում է նաև, որ «ՌուսՀիդրոն» վաճառելու է Միջազգային էներգետիկ ընկերության (ՄԷԿ) 90 տոկոսը, որին պատկանում է Հայաստանում Սևան–Հրազդան ՀԷԿ-ը (561 ՄՎտ), Սամվել Կարապետյանի «Տաշիր» խմբի կառույցներին: Որպես գնորդ հանդես կգա Հրազդանի էներգետիկ ընկերությունը, որին պատկանում է Հայաստանի խոշորագույն ՋԷԿ-ը` (1,11 ԳՎտ հզորությամբ):

Zham.am