Ինչո՞ւ Թումանյանը սպանեց Գիքորին

26 Նոյեմբեր, 2019 20:40

Դիտել նաև

Նարեկ Սամսոնյանի նկատմամբ կիրառված տնային կալանքը փոխվել է վարչական հսկողության Առաջարկում եմ Կառավարության և Ազգային ժողովի բոլոր նիստերը սկսել Տերունական աղոթքով… Նարեկ Մանթաշյան Սա ընտրովի արդարադատության դասական օրինակ է, երբ օրենքը չի ծառայում հավասարության սկզբունքին, այլ վերածվում է իշխանության քաղաքական կամքը սպասարկող գործիքի. Սուրենյանց Ընտրապայքարի առաջին իսկ րոպեներից ՔՊ-ական անօրինությունն ու բեսպրեդելը հատում են թույլատրելիի սահմանը. Նարեկ Մանթաշյան Նարեկ Օհանյանը բռնության չի ենթարկվել. փաստաբան

Ինչո՞ւ Թումանյանը սպանեց Գիքորին: Իհարկե բոլորս հուզվել ենք Թումանյանի Գիքորի ճակատագրին ծանոթանալով: Գիքորի մահը համարում ենք կյանքի ամենամեծ անարդարություններից մեկը, բայց ավելի հասուն տարիքում աչքի անցկացնելով այս ստեղծագործությունը՝ տեսանելի են դառնում նոր երևույթներ, որոնց մասին նախկինում չէինք մտածել: Զուտ եկեք պատկերացնենք՝ ի՞նչ կլիներ, եթե Գիքորը ապրեր... ու ապրեր մեր օրերում:

Հիվանդությունից ապաքինվելուց հետո Գիքորը կփոխվեր` Վասոն կդառնար նրա մտերիմ ընկերը, նրա օգնությամբ Գիքորը կստանար բարձրագույն կրթություն, ինչ-որ ծրագրով անպայման բնակարան «կկպցներ» Ծարավ Աղբյուրի փողոցում (այդ շենքերում հիմա էլ բազմաթիվ գիքորներ են ապրում) և վերջնականապես կլուծեր իր քաղաքում ապրելու հարցը, կկապվեր Բազազ Արտեմի աղջիկներից մեկի հետ, սկոլիոզով կազատվեր բանակի ծառայությունից, անդադար կխոսեր կոռուպցիայից, հարմար կտեղավորվեր իշխանությունների գրպանում: «Էստի համեցեք» կանչելու տաղանդը կդարձներ քաղաքական կարգախոս ու կդառնար իշխանական պատգամավոր, հոտնկայս կծափահարեր վարչապետի ելույթներին, կփորձեր վարդավառին խալի լվանալու փող դուրս գրել պետությունից ու գրպանը դնել, 3 միլիոն դրամ կքերեր հարկատուներից մետրոյում ապուշություն բեմադրելու պատրվակով, գործարարներին ամբողջ սրտով կատեր, որովհետև նրանց մեջ կտեսներ Արտեմին...

Ձեր կարծիքով ի՞նչ ապագա կունենար Գիքորը, խնդրում եմ մեկնաբանության մեջ տեղադրեք ձեր տարբերակը:
Ըստ իս, հանճարեղ Թումանյանը ժամանակին կանխեց այս իրադարձությունները:

Նարեկ Մալյանի ֆեյսբուքյան էջից