Կոստանյանի հետ լեզու չկարողացան գտնել մեղադրանք են առաջադրում. Ո՞րն է Փաշինյանի ու նախկինների տարբերությունը

Նիկոլ Փաշինյանը այնքան է սիրում խոսել նախկինների մասին, որ ակամայից շատերը նկատել են, որ այսօր արդեն նա նախկիններից շատ չի տարբերվում: Դեռ ավելին`  նախկիններն այսքան բացահայտ չէին գործում: Վերցնենք նախկին  դատախազ Գագիկ Կոստանյանի օրինակը: Իշխանափոխությունից հետո նա սկսեց մեսիջ ուղարկել Փաշինյանին, որ «կարող է  համագործակցել նոր իշխանության հետ»: Ավելին`  Փաշինյանի կողմնակիցները դրական ընդունեցին Կոստանյանի մեսիջները: Իսկ երբ անցած ընտրություններից առաջ նախընտրական ցուցակներ էին ձևավորվում, Իմ քայլը դաշինքնի ներկայացուցիչները նույնիսկ քննարկում էին Կոստանյանի թեկնածության հարցը և միայն վերջին պահին ինչ- ինչ պատճառներով դա չստացվեց:

Կոստանյանը այն ժամանակ ակնարկում էր, որ «դրսից հրավեր ունի և, եթե երկրի ներսում ինքը պահանջված չլինի, ապա կհեռանա երկրից»:

Հավանաբար այդ ժամանակ համագործակցությունը չստացվեց, որի արդյունքում Կոստանյանը հեռացավ երկից: Սակայն վերջերս նա կրկին հարցազրույցով հանդես եկավ, որտեղ կասկածի տակ դրեց մարտի 1-ի գործի քննության որոշ դրվագներ: Հավանաբար, իշխանություններին դուր չէր եկել Կոստանյանի այդ խոսքը, և ահա նրանք որոշել են պատժել Կոստանյանին: ՀՔԾ-ն արդեն հայտարարել է, որ   Գևորգ Կոստանյանին որպես մեղադրյալ ներգրավելու որոշում է կայացվել, և ՀՀ քրեական դատավարության օրենսգրքի 203-րդ հոդվածի 1-ին մասի կարգով նրան առաջարկվել է 48 ժամվա ընթացքում ներկայանալ վարույթն իրականացնող մարմին՝ մեղադրանք առաջադրելու համար։

Ահա այսքան պարզ են «Նոր Հայաստանում» փորձում հաշիվ մաքրել իրենց հակառակորդների հետ: Նախկինում էլ այդ խաղի կանոնը կար, սակայն նախկինում դա փորձում էին ավելի քողարկված անել: Մինչդեռ Փաշինյանը և նրա շրջապատը, հավանաբար, ավելորդ են համարում այդ «սեթևեթությունները» և որոշել են չորով ցույց տալ, որ այլևս  «Նոր Հայաստանում»   ոչ թե օրենքն է գործում, այլ իրենց քաղաքական կապրիզը: Այո, սա արդեն նման է ոչ թե պարզ և ցինիկ հաշվարկի, այլ կապրիզի: Քանզի արդեն  վերջին թերզարգացվածնել էլ հասկանում է, որ երկրում բացահայտ  անտեսում են օրենքները:

Փաշինյանի հույսը հենց այն զանգվածն է, որի համար «օրենքը երկրորդական է, կարևորը նախկինների պատժելն է, և նրանց փողերը իրար  մեջ բաժանելը»:

Դեռ այս շերտը սպասում ունի Փաշինյանից, բայց երբ սպասումն ավարտվի, նրանք արդեն հաշիվ են պահանջելու նաև Փաշինյանից: Եվ այդ ժամանակ էլ, հաստատ, «օրենքով պատժել չեն ցանկանալու», քանզի բումերանգի էֆեկտը միշտ դաժան է գործել:

Սա է իրականությունը:

Դավիթ Մկրտչյան