Կուսակցությունները կներկայացնեն իրենց ծրագրային դրույթները
Կոնրադ Ադենաուեր հիմնադրամն ապրիլի 2-ին կայանալիք խորհրդարանական ընտրություններին ընդառաջ կազմակերպում է միջոցառումների շարք, որը նվիրված է լինելու ընտրություններին մասնակցող կուսակցությունների ծրագրային օրակարգին:
Առաջին միջոցառումը տեղի է ունենալու մարտի 10-ին ժամը 16.00-ին Մարիոթ հյուրանոցի Արարատ սրահում, որի շրջանակներում կուսակցությունները ներկայացնելու են իրենց տնտեսական-քաղաքական ծրագրային դրույթները: Անդրանիկ միջոցառմանը մասնակցելու են Հրանտ Բագրատյանը՝ Ազատ դեմոկրատներ կուսակցությունից, Դավիթ Սարգսյանը՝ Հայաստանի Հանրապետական կուսակցությունից, Արմեն Մարտիրոսյանը՝ Օհանյան-Ռաֆֆի-Օսկանյան կուսակցությունների դաշինքից, Մանե Թանդիլյանը՝ Ելք կուսակցությունների դաշինքից, Մեսրոպ Առաքելյանը՝ Ծառուկյան կուսակցությունների դաշինքից :
Միջոցառումը վարելու է «168 Ժամ» թերթի գլխավոր խմբագիր, «Արմենիա» հեռուստաընկերության «Ռ-Էվոլյուցիա» հաղորդաշարի հեղինակ և վարող Սաթիկ Սեյրանյանը: