Սերժ Սարգսյանի ու Կարեն Կարապետյանի ակնկալիքներն ընտրություններից (Տեսանյութ)

Ընթացիկ քարոզարշավի յուրահատկություններից մեկը կայանում է նրանում¸ որ ՀՀԿ-ի քարոզարշավը հիմնականում իրականացնում է ՀՀԿ-ի ցուցակում տեղ չգտած վարչապետ Կարեն Կարապետյանը և նրանով¸ որ Սերժ Սարգսյանը կարծես թե ընդհանրապես ներգրավված չէ քարոզչության մեջ և զբաղված է միջպետական այցերով: Այս պարագայում շատ կարևոր է հասկանալ¸ թե Սարգսյանը և Կարապետյան ինչ ակնակլիքներ ունեն ընտրություններից և ինչպես են պատկերացնում իրենց ապագան 2017 թ ապրիլի 3-ից հետո:

Սերժ Սարգսյանի ակնկալիքները

Մենք բազմիցս խոսել ենք այն բանի մասին¸ որ Սերժ Սարգսյանը պատկանում է այն քաղաքական գործիչների դասին¸ որոնք չունեն և´ չեն էլ կարող ունենալ ժառանգորդներ¸ իսկ նրա հայտնի հայտարարությունն այն մասին¸թե նա չի հավակնում ո´չ նախագահի¸ ո´չ վարչապետի պաշտոններին¸ իրականում պայամանավորված էր այն ժամանակվա քաղաքական դասավործածությամբ և Սարգսյանը դա ասել էր միայն Ծառուկյանի հետ լեզու գտնելու համար:

Իսկ հիմա թե´ Սարգսյանը թե´ նրան սպասարկող մամուլը չեն էլ թաքցնում¸ որ նա հավակնում է վարչապետի պաշտոնին 2018 թվականից հետո: Սակայն հարց է առաջանում¸ թե ինչու է Սարգսյանն այդ հավակնությունների պարագայում ՀՀԿ-ի քարոզարշավի դեմք դարձրել Կարեն Կարապետյանին՝ հասկանալով¸ որ հաջողության դեպքում Կարապետյանն էլ ինքն իր հերթին կունենա քաղաքական հավակնություններ: Այս հարցն ունի շատ պարզ պատասխան. Սերժ Սարգսյանն էլ է շատ պարզ գիտակցում¸ որ ինքը բնակչության 95 տոկոսի համար աընդունելի ղեկավար է¸ իսկ ՀՀԿ-ն՝ անընդունելի քաղաքական ուժ¸ այդ իսկ պատճառով անհրաժեշտ էր գտնել և բերել մի մարդու¸ ով թաթախված չի լինելու ՀՀԿ-ական կոռուպցիայի մեջ և ատելի չի լինի ժողովրդի ճնշող մեծամասնության համար:

Սերժ Սարգսյանի կարծիքով¸ այդ մարդը Կարեն Կարապետյանն է և հենց նրան է նա փորձում օգտագործելու իր սեփական ծրագրերը կյանքի կոչելու համար: Սակայն նորանկախ Հայաստանի պատմությունն արդեն տեսել է մեկ դեպք¸ երբ նախագահն այլ տեղից վարչապետ է բերել¸ որպեսզի նրա միջոցով լուծի իր սեփական հարցերը¸ սակայն արդյունքում այդ եկած վարչապետը շատ արմատական ձևով է լուծել այդ նախագահի հարցերը:

Կարեն Կարապետյանի ակնկալիքները

Կարեն Կարապետյանի ակնկալիքները նույնպես պարզ են. նա ամենևին էլ մտադրությոևւն չունի լինելու ժամանակավոր գործիչ և ակնհայտորեն ակնակլիքներ ունի 2018 թվականից հետո շարունակել պաշտոնավարել: Պետք է նշել¸ որ խորհրրդանական կառավարման համակարգը Կարեն Կարապետյանին ընձեռում է այդ հնարավորությունը¸ սակայն կկարողանա՞ նա օգտագործել այն թե չէ՝ կախված է ոչ միայն իրենից¸ այլ շատ ու շատ այլ գործոններից: Կարապետյանն ուղղակլի մեկ բան պետք լավ գիտակցի՝ Հայաստանի վարչապետներն ունեն երկու ճանապարհ՝ կամ հետագայում դառնում են երկրի ղեկավար կամ կորում են քաղաքական գործընթացների անդունդի մեջ:

Ինչ ակնկալիքներ ունի հանրությունը

Հանրության ակնակլիքները նույնպես շատ պարզ են: Բոլորն ուզում են օր առաջ ազատվել Սերժ Սարգսյանի և Հայաստանի Հանրապետական կուսակցության իշխանությունից և անգամ Կարեն Կարապետյանը չի կարող փոխել այս իրողությունը: Այս դեպքում արդեն մեզանից յուրաքանչյուրիցս է կախված¸ թե ինչ ավարտ կունենա խորհրդարանական ընտրությունները և կիրականան արդյո՞ք մեր սպասելիքները: Ապրիլի 2-ին¸ մենք բոլորս ունենք այն հնարավորությունը որպեսզի կյանքի կոչենք մեր ծրագրերը՝ չսպասելով¸ թե ինչ ավարտ կունենա ներիշխանական պայքարը:

Արմեն Միքայելյան