ԱՀԱԶԱՆԳ. Նոր Նորքում 10 օր է կոյուղաջրերի վթարը չի վերացվում

Այսօր  Zham.am խմբագրություն ահազանգ ստացվեց այն մասին, որ  Նոր Նորքի 4-րդ զանգվածի Գյուլիքևխյան փողոցի 25/2 շենքի նկուղային հարկում 10 օր  է կոյուղագիծը վթարվել է, որի պատճառով շենքի նկուղային հարկը ողողվել է կեղտաջրով և գարշահոտությամբ:

Շենքի բնակիչները դիմել են համատիրություն, իսկ համատիրությունը խնդրով դիմել են «Վեոլիա Ջուր» ՓԲԸ-ին, ինչը, սակայն, դրական ելք չի արձանագրել.  վերջինս 10 օր է նշում է, որ մեքենա չունի, որ ուղարկի այդ տարածք: 

Բնակիչները ահազանգում են, որ շարունակվող իրավիճակում կխալխլվի նաև շենքի ամրությունը:

Zham.am