Ինչո՞ւ են օխլոսին նստեցրել մեր գլխներին
Մարդկանց գերակշիռ մեծամասնությունը հանուն կամ ընդդեմ մարդկանց է պայքարում, այլ ոչ թե հանուն կամ ընդդեմ երևույթների, հետևաբար նաև գաղափարների, ու դա այդպես է, քանի որ մարդկանց գերակշիռ մեծամասնությունը գաղափարական չէ և որոշումներ է կայացնում էմոցիաներով պայմանավորված, այլ ոչ թե ռացիոնալ մտածողությամբ հիմնավորված:
Այդ մարդկանց մոտ խիստ զարգացած է հոտային բնազդը ու իրենք սովորաբար ամբոխանալու մեծ հակում ունեն: Այդ մարդիկ հանրային տարածքում ոչ մի լավ բան անելու ունակ չեն, նրանք միայն ու միայն խանգարում են գաղափարական մարդկանց ու կասեցնում են առաջընթացը՝ նպաստելով հետընթաց զարգացումներին: Այդ մարդիկ իրենց բնույթով հակաքաղաքակրթական են: Բոլոր հաջողակ պետությունները եղել են ու կան այն պետությունները, որոնք կարողացել են այդ կարգի մարդկանց հեռու պահել պետական կառավարման համակարգից, որտեղ այդ մարդկանց փոխարեն որոշումներ են կայացրել ռացիոնալ մտածողություն ունեցող պասիոնարները:
Այսօրվա դրությամբ ժողովրդավարության ամենամեծ թնջուկը հետևյալն է՝ ինչպես լուծել բոլոր մարդկանց իրավահավասարության խնդիրը ու դրա արդյունքում դեմոկրատիան չվերածել օխլոկրատիայի:
Կարծես թե այդ թնջուկը այնուամենայնիվ լուծվում է հօգուտ օխլոկրատիայի (ամբոխավարության), քանի որ համաշխարհային էլիտաների այն շրջանակները, որոնք ներկայացնում են անդրազգային կորպորացիաները, հենց այդ մարդկանց օգտագործելով կործանում են դասական լիբերալ աշխարհակարգը ու իրական ժողովրդավարությունը՝ այն վերածելով ամբոխավարության: Սա իրենց դոկտրինն է պոստմոդեռնիստական գլոբալ նեոստրկատիրական կայսրություն ստեղծելու ճանապարհին: Մոտավորապես նույն բանն են անում նաև անցյալի մնացուկ հանդիսացող մոդեռնիստական կայսրությունները, որոնց գլխին կանգնած օլիգարխիկ խմբերը ցանկանում են իրենց կայսրությունները տեղավորել պոստմոդեռնիստական գլոբալիստական նոր աշխարհակարգի մեջ, որի արդյունքում իրենք տեղ կգտնեն համաշխարհային էլիտաների առաջին կագորտայի՝ անդրազգային կորպորացիաները ներկայացնող իմպերիալիստական կլանների կողքին:
Այս ամենը գրել եմ, որպեսզի հասկանալի լինի, թե ինչու են այսօրվա թավշյա իշխանությունները Հայաստանում պատերազմ հայտարարել մեր ազգային արժեհամակարգին, ինչու են դիստրուկտիվ տարրերին, օրինակ ասենք սեռական փոքրամասնություններին կամ աղանդավորներին, արտոնյալ իրավունքներ շնորհում, ինչու են ուզում արգելել հայ ժողովրդի պատմության ու հայոց լեզվի դասավանդումները (առայժմ ԲՈՒՀ-երից են սկսել), ինչու են արգելում խոսքի ազատությունը ու ժողովրդավարության այլ ինստիտուտները, ինչու են օխլոսին նստեցրել մեր գլխներին և վերջապես ինչու են վերացնում արդարադատությունը: Պատասխանը շատ պարզ է, որովհետև իրենք կատարում են այն շրջանակների հրահանգները, որոնց մասին վերևում գրել եմ, որոնք պոստմոդեռնիստական գլոբալ կայսրություն են ստեղծում, ու Հայաստանը, որպես թույլ օղակ, առաջիններից մեկը ներքաշվեց այդ հակամարդկային ծրագրի մեջ, ու Նիկոլը իր թավշյա թիմով ընդամենը այդ շրջանակների դրածոն է մեր երկրում ու պարտավոր է գործել հանուն այդ ազգակործան ու հակամարդկային ծրագրերի իրականացման:
Թորոս Ալեքսանյան
Աղբյուրը՝ Politeconomy.org
Հետևեք մեզ Facebook-ում