Ազգային ժողովում թեժ է. Արարատ Միրզոյանը պատրաստվում է ձայնից զրկել Գևորգ Պետրոսյանին. Տեսանյութ

ՀՀ ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի և ՀՀ ԱԺ խոսնակ Արարատ Միրզիոյանի միջև վիճաբանություն է տեղի ունեցել:

Իր ելույթում Գևորգ Պետրոսյանն անդրադարձել է ՀՀ Կառավարության՝ իր կողմից հեղինակած օրենսդրական նախաձեռնությանը, որը մերժվել է «ձեռնպահ մնալ քննարկելուց» պատճառաբանությամբ:

«Սա ի՞նչ վերաբերմունք է Կառավարության կողմից Ազգային ժողովի նկատմամբ... Խորհրդարանական պետությունում փոխանակ Ազգային ժողովը վերահսկողություն սահմանի Կառավարության նկատմամբ, Կառավարությունն ասում է՝ «ձեռնպահ մնալ քննարկելուց»: Այսինքն մենք իզուր ենք գալի-գնում այստեղ: Եթե այդպես է, նախաձեռնությունները թող միայն ներկայացնի ՀՀ Կառավարությունը մենք էլ ինչպես միշտ կառուցողական մոտեցում կունենանք, և եթե գտնենք, որ այդ նախաձեռնությունը բխում է ՀՀ շահերից՝ կողմ կքվերակենք», - ասաց նա:

Անդրադառնալով բուն թեմային՝ «Ընտանեկան օրենսգրքում» նույնասեռականների և սեռը փոխած անձանց ամուսնությունները գրանցելուն ուղղակի արգելք սահմանելուն իր առաջարկությանը, Գևորգ Պետրոսյանն ասաց, որ «այս մի նախագիծն էլ վերաբերվում է նույնասեռականների և սեռափոխված անձանց կողմից երեխա որդեգրելու արգելքին: Բա, այստեղ ի՞ նչը ստուգենք: Եթե ամուսնության ժամանակ կասկած կա, որ նույնասեռական է թե չէ, մի բան կարելի է ստուգել...», - ասաց նա:

Գևորգ Պետրոսյանը նաև կոչ արեց պահպանել ազգային արժեքները և կողմ քվեարկել նրա առաջարկներին, ասելով, որ  ով դեմ քվեարկի նշանակում է, որ կողմ է, որ իր ընտանիքում նման բան լինի: 

Դրան ի պատասխան շատ բուռն արձագանքեց Արարատ Միրզոյանը:

«Ի՞նչ ես խոսում: Պարոն Պետրոսյան ի՞նչ եք խոսում: Դուք կուզենաք ձեր ընտանիքում... ինչ անձնավորված բաներ է, մի հատ էլ քֆուր տվեք: Սրա ձևն արդեն չափ ու սահման չունի», - բարկացավ Միրզոյանը, հրահանգելով, որ գտնեն այն հոդվածը, որով կարգավորվում է ձայնից զրկելը (հավանաբար Գևորգ Պետրոսյանին): 

Zham.am