Օհանյանի՝ քաղաքական հայտ ներկայացնելու քայլը շատ տեղին և սպասված էր

Հայրենիքի համար իսկական կռված մարդը, ով իր մաշկի վրա կրել է թշնամու հարվածը, չի կարող վատը լինել ու հասարակության կողմից չընդունվել: Սեյրան Օհանյանն այդ տեսակ մարդկանցից մեկն է եղել իր ժողովրդի համար, և չպետք է նրան մեղադել այնպիսի գործողությունների մեջ, որտեղ, ցավոք, իր ձայնը որոշիչ չի եղել:

Այո, երբ Հայաստանում ճանճը տզզում է, Սերժն ու իր մերձավորները դրա մասին իմանում ու միջամտում են՝ ի օգուտ իրենց վերարտադրման: Ու ոչ ոք թող չասի, որ որևէ պաշտոնյա՝ այն էլ բանակի և երկրի անվտանգության հետ կապ ունեցող, կարող է ինչ-որ հարցեր լուծել, իրավիճակ փոխել, ժողովրդի շահից բխող որոշումներ կայացնել. Սարգսյան Սերժն ամեն հարց միանձնյա է որոշում, դրա համար էլ երկրի մթնոլորտ այսքան գաղջացրել է:

Այնպես որ՝ շատերին խորհուրդ կտամ՝ իշխանական սուտի ֆեյքերի, լրատվամիջոցների, քաղաքագետների, վերլուծաբանների ասածներին տուրք չտալ և ընդունել մի ճշմարտություն՝ հայրենիքի համար կռված մարդը հերոս է, և այդ հանգամանքը հաշվի առնելով՝ նրան պետք է լսել ու ընդունել: Մենք տեսել ենք ու գիտենք՝ Օհանյան Սեյրանն ինչ է արել իր ժողովրդի համար, երբ իր ձեռքերը «կապված չեն եղել», այս իշխանության սուտի «կռվողներն» ինչեր են բերել ժողովրդի գլխին, երբ իրենց ձեռքերին շա՜տ ազատություն է տվել Սերժ Սարգսյանը:
Ու այս հանատեքստում ևս մեկ անգամ կրկնում եմ, որ Օհանյանի՝ քաղաքական հայտ ներկայացնելու քայլը շատ տեղին և սպասված էր: 

Կից նյութը՝ այստեղ:

Սաթեն Մանասյանի ՖԲ էջից