Գևորգ Պետրոսյանը լքեց հանձնաժողովի նիստը՝ ի նշան բողոքի. Տեսանյութ

Ի նշան կառավարությանն ուղղված բողոքի՝ ԲՀԿ-ական պատգամավոր Գևորգ Պետրոսյանն այսօր լքեց ԱԺ պետաիրավական հարցերի մշտական հանձնաժողովի նիստը:

Պետրոսյանը ներկայացնում էր գործընկերների հետ հեղինակած Հայաստանի Հանրապետության քրեական դատավարության օրենսգրքում լրացում կատարելու մասին նախագիծը, որով առաջարկվում է քրեական գործ հարուցելու դեպքում պաշտոնավարման ժամանակավոր դադարը սահմանել նաև մասնավոր սեկտորի աշխատողների համար:

Պատգամավորը նկատեց, որ գործող օրենսգրքով պաշտոնավարման ժամանակավոր դադարեցում նախատեսված է հանրային ծառայողների համար՝ պնդելով, որ եթե մասնավոր սեկտորի աշխատակիցը ինչ-որ կեղծիք է թույլ տվել և շարունակի պաշտոնավարել մինչև դատավարության ավարտը, ապա հեշտությամբ կարող է ամեն օր աշխատավայրում գտնվելով՝ վերացնել ապացույց հանդիսացող փաստաթղթերը:

Մինչդեռ նախագծի վերաբերյալ կառավարության ներկայացրած որոշումը Պետրոսյանը որակեց որպես անհարգալից վերաբերմունք ԱԺ պատգամավորների նկատմամբ:

Zham.am

Մանրամասները՝ տեսանյութում