Ռոբերտ Քոչարյանին գրավով ազատ արձակելու միջնորդությունը մերժվեց. Տեսանյութ

Դատարանը մերժեց Ռոբերտ Քոչարյանի նկատմամբ գրավ կիրառելու միջնորդությունը

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, մերժեց ՀՀ երկրորդ նախագահ Ռոբերտ Քոչարյանի Փաստաբանական թիմի միջնորդությունը նրա նկատմամբ գրավ կիրառելու վերաբերյալ։

Այսօրվա դատական նիստը հետաձգվեց մինչև նոյեմբերի 12-ը, ժամը 13:00:

***

Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ նոյեմբերի 7-ին ժամը 12:00-ին պետք է հրապարակի ՀՀ երկրորդ նախագահ Ռոբերտ Քոչարյանի պաշտպանների ներկայացրած գրավի միջնորդության վերաբերյալ որոշումը: Հիշեցնենք, որ պաշտպանները միջնորդությունը ներկայացրել էին նոյեմբերի 5-ին: Ներկայացնելով միջնորդությունը՝ փաստաբան Արամ Վարդևանյանը նշել էր, որ նախորդ միջնորդությունը, որը ներկայացվել էր սեպտեմբերի 17-ին, մերժվել էր այն պատճառաբանությամբ, որ գրավը չի կարող զսպել գործի խոչընդոտման ռիսկը։ Որոշման հրապարակումից անցել է մոտ 2 ամիս, մինչդեռ՝ ամեն օրը նվազեցնում է խոչընդոտման ռիսկը։ Ավելին, նախկինում, 5 ամիս գտնվելով ազատության մեջ, Ռոբերտ Քոչարյանը երբեք չի խուսափել քննությունից և չի խոչընդոտել դատական գործընթացը։ Դատական նիստին առաջարկում ենք հետևելու ուղիղ հեռարձակմամբ: