Ինչո՞ւ է Փաշինյանը նյարդայնացած Բալասանյանի վրա

Ըստ մամուլի տեղեկությունների` Արցախի Ազգային անվտանգության խորհրդի պաշտոնաթող քարտուղար Վիտալի Բալասանյանին Հայաստանի Հատուկ քննչական ծառայությունը բերման ենթարկելու որոշում է կայացրել և որոշումն ուղարկել է Արցախի դատախազություն՝ կատարման։

Հիշեցնենք, որ նա անցնում է «Մարտի 1»-ի անջատված մասով, առայժմ՝ որպես վկա, նրան 2 անգամ հրավիրել են Երևան՝ հարցաքննության, սակայն չի ներկայացել։

Սակայն ներկա փուլում Վիտալի Բալասանյանի քաղաքական քայլերը արդեն սպառնալիք են համարում Փաշինյանի շրջապատում:

Ըստ էության այսօր Վիտալին արտահայտում է Փաշինյանի մասին այն  ինչ Արցախում և Հայաստանում շատերն են  մտածում, բայց հրապարակավ չեն արտահայտվում:

Հաշվի առնելով, որ Բալասանյանը Ղարաբաղի գալիք ընտրություններում նաև նախագահի թեքնածու է լինելու սույն  փաստը Փաշինյանի շրջապատում կրկնակի է նյարդայնացնում:

Սակայն դա էլ հերիք չէր Վիտալի Բալասանյանն իր գրասենյակի առջև ստորագրահավաք է կազմակերպել՝ ի պաշտպանություն ՀՀ երկրորդ նախագահ Ռոբերտ Քոչարյանի: Հաշվի առնելով այն վարկանիշը, որն ունի ՀՀ 2-րդ նախագահը Արցախում, Փաշինյանն ու նրա շրջապատը լուրջ մտավախություն ունեն, որ այս գործընթացը կարող է  հետագայում իր մուլտիպլիկացիոն էֆեկտն ունենալ նաև Հայաստանում: Իսկ դա կնշանակի լրջագույն վտանգ անձամբ Փաշինյանի իշխանության համար:

Ով ով, բայց Փաշինյանը շատ լավ գիտի, թե ինչ է նշանակում քաղաքական գործընթացներում, այսպես կոչված, «զարգացումների ձնագնդիի էֆեկտը»:

Այդ իսկ պատճառով Փաշինյանին օդի ու ջրի պես անհրաժեշտ է Բալասանյանին քաղաքականապես չեզոքացնել, քանզի հետագայում դա կարող է դառնալ անհնարին, քանզի ժամանակն աշխատում է Փաշինյանի դեմ: Նրա վարկանիշն ժամանակի ընթացքում անկում է ապրում, իսկ նրա հակառակորդների վարկանիշը ճիշտ հակառակը՝ բարձրանում, ինչը բնական գործընթաց է քաղաքական ճոճանակի աշխատանքի գործունեության տեսանկյունից:

Ահա, թե ինչու է պաշտոնական Երևանը  շտապ կարգով իրավական ելքեր է ման գալիս Վիտալի Բալասանյանին բերման ենթարկելու համար:

Սա է իրականությունը:

Արտակ Հակոբյան