Ավելի քան 55 մլն դոլար՝ Փաշինյանին նոր ինքնաթիռ գնելու համար․ վարչապետի շքեղ կյանքը շարունակվում է. Տեսանյութ

Օրերս «Հետք» պարբերականը հստակ փաստերով ապացուցեց, որ այս մոդելի իքնանթիռը կարող է նման թռիչք իրականացնել։ Եվ հետո վարչապետը և Հայաստանի որևէ ղեկավար տարին ընդհամենը մեկ անգամ են այցելու ԱՄՆ-ն և դժվար է պատկերացնել, որ մեկ անգամյա այցի համար պետությունը պետք է գնա նման ծախսերի։

Politik.am-ի տեղեկություններով  վարչապետի աշխատակազմում նախատեսում են սպասարկող նոր ինքնաթիռ գնելու համար պետական միջոցներից ծախսել ավելի քան 55 մլն դոլար։ 

Նշենք, որ մամուլտ քննարկվող ինքնաթիռի հարցին այսօր  Ազգային ժողովում  հայտարարությամբ հանդես եկավ վարչապետի աշխատակազմի ղեկավար Էդուարդ Աղաջանյանը։

Խոսքը վերաբերում էր սեպտեմբերին կայացած այն թռիչքին, որի վրա մոտ 160 միլիոն դրամ է ծախսվել։ Իսկ վարչապետի ինքնաթիռի վրա վառելիքի հավելյալ բաքերի տեղադրումը, ինչի առաջարկ եղել էր մամուլում, ըստ Աղաջանյանի, կարող է միլիոնավոր դոլարների ծախսի պատճառ դառնալ։

Աշխատակազմի ղեկավարը նշեց, որ հիմա իրենք լուծումներ են դիտարկում։

«Տարբերակներ ենք քննարկում, այդ թվում՝ նաև նոր ինքնաթիռի գնման տարբերակն է քննարկվում, որովհետև գործող ինքնաթիռը բավականին հին է և արդեն որոշ ստանդարտներին չհամապատասխանող։ Եվ նաև նորագույն, նոր տեխնոլոգիաների առկայության պարագայում ծախսի տեսանկյունից, վառելիքի ծախսի տեսանկյունից, ընթացիկ վերանորոգումների ծախսերի տեսանկյունից շատ ավելի նպատակահարմար կարող է լինել նոր ինքնաթիռի ձեռքբերումը։ Բայց սա դեռ վերջնական որոշում է, սա ընդհանրապես դեռ որոշում չէ»,- ասաց Աղաջանյանը։

Zham.am