ՀՔԾ պետը Նաիրի Հունանյանին ու Արսեն Բաբայանին պատգամավորների կողմից այցելության հնարավորության մասին. Տեսանյութ
Սահմանադրական դատարանի նախագահ Հրայր Թովմասյանի հրաժարական տալ-չտալը ԱԺ աշխատակազմի ղեկավարի նախկին տեղակալ Արսեն Բաբայանի քրեական գործի հետ կապ չունի, Հատուկ քննչական ծառայությունը քաղաքականությամբ չի զբաղվում։ Այս մասին այսօր՝ հոկտեմբերի 30-ին, լրագրողների հետ զրույցում ասաց ՀՔԾ պետ Սասուն Խաչատրյանը՝ պատասխանելով հարցին՝ արդյոք Բաբայանի նկատմամաբ քրեական գործ կհարուցվեր, եթե Հրայր Թովմասյանը հրաժարական տված լիներ։
Դիտարկմանը՝ Արսեն Բաբայանի եւ Արա Բաբլոյանի պաշտպանները հայտարարում են, որ քաղաքական հետապնդում է իրականացվում, նա պատասխանեց․ «Ես մի քանի առիթով ասել եմ, որ ՀՔԾ-ն քաղաքական վերահսկողությունից դուրս է, ղեկավարվում է միայն օրենքով: Իսկ պաշտպանների հայտարարությունների դա իրենց գործն է՝ օրենքով չարգելված եղանակներով պաշտպանել իր վստահորդին, հիմա իրենք ընտրել են այդ ճանապարհը, ես չեմ կարող մեկնաբանել»։
Արսեն Բաբայանի նկատմամաբ ընտրված խափանման միջոցի եւ նրա տեսակցությունները արգելելու մասով ՀՔԾ պետն ասաց․ «Յուրաքանչյուր կոնկրետ դեպքում քննիչն է գնահատում, թե որ խափանման միջոցն է ի զորու ապահովել մեղադրյալի պատշաճ վարքագիծը, տվյալ դեպքում գործը քննող քննիչը եկել է այն եզրակացության, որ Արսեն Բաբայանի պատշաճ վարքագիծը կարող է ապահովել միայն կալանորման պայմաններում, հենց այդ նկատառումներով արգելանք է դրվել նրա տեսակցությունների վրա»։
Մանրամասները՝ NEWS.am-ի տեսանյութում: