Իմանալն ու անելը, լրիվ տարբեր բաներ են

Մեր հասարակությունն այնպես է կառուցված, որ իրենք ամեն ինչ գիտեն։ Գիտեն, բայց մեծ հաջողություններ որպես այդպիսին քչերն են գրանցում։ Ինչու՞մն է խնդիրը, իհարկե անելու մեջ է։

Օրինակ՝ բոլորն էլ գիտեն, որ սպորտով զբաղվելը շատ կարևոր է, իսկ քանի՞ տոկոսն է սպորտով զբաղվում, իհարկե շատ քչերը, կամ էլ նույն ծխելը վնասակար է և այլն։

Նույնն էլ գիրք կարդալն է, մարդը վերցնում է գիրքը, կարդում ու ասում է ես նոր ոչինչ չստացա, ես ամեն ինչ գիտեի, իսկ դու արե՞լ ես գոնե իմացածիդ մի մասը, ահա թե որտեղ է խնդիրը։ Ընկերներ ունեմ, որ ասում են այս դեպքում ինչ կարելի է անել, ասում եմ ես այսպես կանեի ու ասում են գիտեմ։ Եթե գիտես, ապա արա, էլ ու՞մ ես սպասում։
Ամենամեծ խնդիրներից մեկն այսօր իմ պատկերացմամբ հենց սա է, երբ մարդիկ իրենց իմացածը չեն կարողանում ներդնել, ինչու՞՞՞, որովհետև վախենում են։ Օրինակ՝ ես վախենում էի խոսելուց, այսինքն երբ գնում էի հարցազրույցի, ձայնս, ձեռքերս դողում էր, խառնվում էի, կարմրում էի, չէի կարողանում ինձ պահել։ Ես գիտեի այդ փաստը։ Իսկ դրա դեմ պայքարելու համար մշակեցի այն հարցերը, որոնց տակից չէի կարողանում դուրս գալ ու հայելու դիմաց սկսեցի պարապել, ինչու՞ հայելու, որ գոնե դիմացս ինձ տեսնեմ ու ստուգեմ դեմքի արտահայտությունը, ժեստերը և այլն։ Իմ կոմունիկացիան թույլ էր, այսինքն չէի կարողանում շփվել, դրա համար այնքան նոր ծանոթություններ, շփում, ֆբ-ով քննարկումներ եղան, որից հետո բացվեց, այսինքն գիտեմ թուլությունը ու քայլ եմ ձեռնարկում այն վերացնելու համար։

Արդյունքում ունեցանք այն, ինչ հիմա կամ, այսինքն գիտեի ու արեցի։ Ուստի իմանալ ու անել, դրանք լրիվ տարբեր եզրեր են, եթե գիտես ու չես անում, ապա երևի թե մոլորակի ամենամեծ "նեուդաչնիկն" ես։ Եթե դու կարողանում ես իմացածդ, նոր ինֆորմացիա ստացածդ կիրառես, ներդնես, ապա քո պես հաջողակ մարդ չկա, քանի որ ծախսածդ ժամանակը, միգուցե նաև գումարը ի օգուտ քեզ է եղել։

Երեկ կարդացի, որ ֆեյսբուքն արդեն ավելի շատ ուշադրություն է դարձնելու ոչ թե լայքերի, այլ սրտիկների, ծիծաղի և մյուս սմայլիկների վրա ու հերթական միտքը, ի՞նչ անել, որ մեր նյութերն ունենան հենց սրտիկներ, ծիծաղ և այլն, որպեսզի շատ տարածվեն։ Իմացածդ կիրառիր ու կտեսնես, թե ինչ գերազանց արդյունքներ ես ունենալու։

Վահագն Դիլբարյանի ֆեյսբուքյան էջից