Արգամ Աբրահամյանի շտաբի պետը բերման է ենթարկվել
Արարատի մարզում շարունակվում է քաղաքական լարված իրավիճակը: Ոստիկանության աշխատակիցները շարունակում են ճնշումներ բանեցնել ԲՀԿ ռեյտինգային թեկնածու Արգամ Աբրահամյանի կողմնակիցների նկատմամբ: Ինչպես տեղեկացնում են Politik.am-ի աղբյուրները՝ ոստիկանության աշխատակիցները բերման են ենթարկել ԲՀԿ-ական ակտիվիստ Գարսևան Վարդանյանին:
Նա Արտաշատ քաղաքի Իսակով փողոցում գործող նախընտրական շտաբի ղեկավարն էր: Ոստիկանության աշխատակիցները որևէ բացատրություն չեն ներկայացրել և բացատրություն չեն տվել, թե ինչ նպատակով են բերման ենթարկում:
Կայքը փորձել է կապ հաստատել Արտաշատի ոստիկանության աշխատակիցների հետ՝ պարզելու համար, թե ինչ պատճառով են բերման ենթարկել Արգամ Աբրահամյանի աջակցին. զրուցել են ոստիկանության Արտաշատի բաժնի պետի տեղակալ՝ Ատոմյան Սամվելի հետ: Ոստիկանության պետի տեղակալ Ատոմյանը մեզ հետ զրույցում հայտարարել է, որ տեղյակ չէ, թե ում կամ ինչի համար են բերման ենթարկել.«Հա չգիտեմ: Իսակով փողոցի՞ց, բայց երևի ծառայողական պարապմունք է: Սպասեք ճշտեմ զանգեմ»,-կայքի հետ զրույցում ասել է ոստիկանության Արտաշատի բաժնի պետի տեղակալ Սամվել Ատոմյանը:
Մանրամասները՝ սկզբնաղբյուր կայքում:
Հետևեք մեզ Facebook-ում