Ֆինանսական շուկայի մասնակիցները առաջիկա ամսում շուկայի որոշակի աղճատումներ են սպասում
«Հայկական ժամանակ»-ը գրում է․
«ՀՀ ֆինանսական շուկայի մասնակիցները առաջիկա ամսում շուկայի որոշակի աղճատումներ են սպասում։ Այդ սպասումները պայմանավորված են առաջիկա խորհրդարանական ընտրություններին ընդառաջ բաժանվելիք ընտրակաշառքների ծավալներով։
Խնդիրն այն է, որ ընտրակաշառքների համար նախատեսված գումարների հիմնական մասը պահվում է արտարժույթով, իսկ ընտրակաշառքը բաժանվելու է դրամով։ Դա նշանակում Է, որ շատ կարճ ժամանակահատվածում շուկայում ստեղծվելու է դոլարի առաջարկի կտրուկ աճ։ Դա համընկնելու է հարևան Իրանից մարտի կեսից նովրուզի տոնի առթիվ մեծ թվով զբոսաշրջիկների ներհոսքի հետ, երբ ավանդաբար առաջանում Է դոլարի ավելցուկ։ Այս երկու գործոնները միասին որոշակի ցնցումներ կարող են առաջացնել շուկայում և կարճաժամկետ կտրվածքով բերեն դրամի արժեվորմանը։ Ապրիլի առաջին տասնօրյակում, ըստ որոշ գնահատականների, մանրածախ առևտրի շրջանառությունը միայն ընտրակաշառքների շնորհիվ կարող Է ավելանալ մինչև 25 մլն դոլարով կամ 10-12 տոկոսով»։
Մանրամասները՝ թերթի այսօրվա համարում։
Հետևեք մեզ Facebook-ում