ԻՊ ահաբեկիչները սիրիացի երեխաներին գլուխ կտրել էին սովորեցնում (տեսանյութ)

Ազատագրված Հալեպ վերադառնում են ոչ միայն տեղաբնակները: Այստեղ են գալիս մարդիկ այն բնակավայրերից, որոնք շարունակում են մնալ զինյալների վերահսկողության ներքո: Մի քանի օր են գալիս, իսկ ժամանելով դաժան պատմություններ պատմում այն մասին, թե ինչպես են ահաբեկիչները տանջում ծերերին ու կանանց, իսկ նրանք՝ ովքեր չեն կատարում իրենց հրամանները՝ սպանում: Հաղորդում է «Вести.ru»-ն:

«Ոտքս կտրել են տան պայմաններում, որովհետև զինյալների բժիշկներն ահռելի գումարներ էին պահանջում: Իսկ այս պրոտեզն ինքս եմ արել», - ցուցադրում է ինքնաշեն  պրոտեզը սիրիացի Մահմուդը:

«Նրանք կտրում էին այն մարդկանց գլուխները, որոնք գնում էին կառավարական զորքերի վերահսկողության տակ գտնվող տարածքներ, աշխատավարձ կամ մթերք ստանալու համար: Կանանց արգելված էր անգամ աչքերը բացել: Նրանք ընտրում էին մահապատժի տարբեր ձևեր», - պատմում է «Իսլամական պետության» ահաբեկիչների վայրագությունների մասին սիրիացին:

«Զինյալները տանում էին տաս տարեկանից սկսած երեխաներին: Սովորեցնում գլուխ կտրել: Հենց սովորեցնում: Մեզ տանում էին մզկիթ: Էկրան էին դնում և ֆիլմեր ցուցադրում, որոնցում պատմվում էր՝ ինչպես գլուխ կտրել», - պատմեց դեռահասը Հալեպից:

Zham.am