Հաց բերողը բոլորիս ընտրության առջև է կանգնեցրել

Հաց բերողը Հայաստանի ամենասկզբունքային մարդն է, ով կոմպրոմիսների չի գնում և պատրաստ է քայլ կատարել: Հրաժարվում է բուժօգնությունից և քաղաքացիական հիվանդանոց տեղափոխվելուց:

Հաց Բերողը հրաժարվում է հաց ուտելուց, մնացել է առանց հացի և նրա քայլով ժամանակին հիացածները իրենք պետք է նրան հաց հասցնեն, բայց դրա համար ստիպված են ավելի դժվար ճանապարհով անցնել, լինել նույնպես սկզբունքային, ինչպես ինքն է:
Այս 25 տարվա ընթացքում Հայաստանի միակ հացադուլավորն է, ով որոշել մինչև վերջ գնալ, կամ էլ իրեն պետք է պատշաճ կերպով բաց թողնեն:

Իր այս քայլով նա մեզ բոլորիս ընտրության առջև է կանգնեցրել, բայց առաջին հերթին ընտրություններին գնացող կուսակցություններին:

ԱԺ-ում կազմակերպված ստորագրահավաքը իշխանության, սակայն առաջին հերթին այդ կուսակցությունների համար դեմքը փրկելու փորձ էր: Նրան կալանքից ազատելով ցանկանում էին խուսափել այդ սկզբունքային հարցադրումից. մասնակցել ընտրություն կոչվող խաբկանքին, թե նույնպես պատրաստ լինել քայլ կատարել ու հրաժարվել այդ խաբեբաությունից:

Հաց Բերողի հարցադրումը դեռ մնում է անպատասխան:

Ստեփան Դանիելյանի ֆեյսբուքյան էջից