Մարիա Զախարովան Էրդողանի՝ Հայաստանի դեմ ուժերն միավորելու կոչի մասին
Այսօր լրագրողների հետ հերթական ճեպազրույցին ՌԴ պաշտոնական ներկայացուցիչ Մարիա Զախարովան մեկնաբանել է հայազգի լրագրողի հարցը, կապված Թուրքիայի նախագահ Ռեջեփ Թայիփ Էրդողանի՝ վերջերս արված հայտարարության հետ, որով նա մուսուլմանական երկրներին կոչ էր անում միավորել ջանքերը Հայաստանի «օկուպացիոն» քաղաքականության դեմ:
Լրագրողը Մարիա Զախարովայից հետաքրքրվեց՝ արդյո՞ք ԵԱՀԿ Մինսկի խմբի համանախագահներից, մասնավորապես Ռուսաստանից կհետևի արձագանք թուրք նախագահի կոչի վերաբերյալ, քանի որ կազմակերպության և նրա անդամներից մեկի՝ Անկարայի մոտեցումները տարբերվում են:
«Դուք ինքներդ ամեն բան մեկնաբանեցիք. պատմեցիք այն բանի մասին, թե ինչ է ասվել թուրքական կողմից, պատմեցիք Մինսկի խմբի դիրքորոշման մասին: Ճիշտն ասած, անգամ ավելացնելու բան չկա: Հենց նոր ասացի, որ մենք ամբողջովին միտված են ԼՂ խնդրի կարգավորման մեր դիրքորոշմանը: Դրանից է պետք ելնել մեր դիրքորոշումը ներկայացնելիս», - ասաց Մարիա Զախարովան:
ՌԴ ԱԳՆ պաշտոնական ներկայացուցիչը հայտնեց նաև, որ «այդ հարցով զբաղվող փորձագետներից կճշտի» Էրդողանի հայտարարությանը հնարավոր արձագանքի հնարավորությունը:
Zham.am
Հետևեք մեզ Facebook-ում