Ազատ Արշակյան. «ՕՐՕ դաշինքը ունի սոցիալական ծրագիր, որի կենտրոնում է մարդը և նրա բարեկեցությունը» (Տեսանյութ)

Zham.am-ի «Ամբիոն» հաղորդաշարի հյուր «Միացյալ հայեր» նախաձեռնության անդամ Ազատ Արշակյանն իր խոսքում նշեց, որ շուտով «Օհանյան-Րաֆֆի-Օսկանյան» դաշինքը կներկայացնի իր ծրագրային հիմնական 12 դրույթները, որոնցում անդրադարձ կլինի թե բանակի և անվտանգության խնդիրներին, թե դեմոգրաֆիկ իրավիճակին, թե բիզնեսի համար արտոնություններին և թե այլ հարցերին:

Ազատ Արշակյանն ընդգծեց, որ դաշինքն առաջարկելու է Հայաստանում կիրառել հարկային ամնիստիա խոշոր բիզնեսի նկատմամբ, մինչև 60 մլն դրամ տարեկան շրջանառություն ունեցող բիզնեսի համար հարկային «արձակուրդ» սահմանել, ինչպես նաև ընդգծել է, որ դաշինքն առաջարկելու է Հայաստանում ներդնել, այսպես կոչված, «մայրական կապիտալի» գաղափարը:

ՕՐՕ դաշինքի անդամը խոսել է նաև մամուլում շրջանառվող այն լուրերի մասին, թե իբր Սեյրան Օհանյանի դեմ կարող է քրեական գործ հարուցվել, և ընդգծել է, որ դա պարզապես ինքնասպանություն կլինի իշխանության կողմից, իսկ նրանք ովքեր շրջանառության մեջ են դրել այդ լուրը՝ ծաղրածուներ են:

Մանրամասները՝ Zham.am-ի տեսանյութում: