Կարեն Կարապետյան. «Ես դեմ եմ եղել ռեյտինգային ընտրակարգին, սոված ժողովրդին իրար դեմ ենք հանել» (Տեսանյութ)

ԱԺ ՀՀԿ խմբակցության պատգամավոր Կարեն Կարապետյանն այսօր ԱԺ-ում լրագրողների հետ զրույցում նշեց, որ կողմ չէ վարկանիշային (ռեյտինգային - Zham.am) ցուցակներով ընտրություններին։ «Եթե լինեմ ազնիվ, այդ նախագծի քննարկման ժամանակ ես եղել եմ այն անձանցից, ով դեմ է եղել։ Հիմա ունենք այն, ինչ ունենք»:

Պատգամավորի կարծիքով՝ այս համակարգը կարող է լարվածություն առաջացնել հանրության շրջանում։ «Ժողովուրդը սոված վիճակում, կարծես թե, էլ խնդիր չունի, սաղս գնացել ենք, կոպիտ ասած՝ սաղին իրար դեմ ենք հանելու։ Իսկ հակասություններ, իհարկե, լինելու են։ Մենք թողնելու ենք, գանք, էլի հանգիստ ստեղ նստենք, մարդիկ իրար թշնամի են դառնալու»։

Կարեն Կարապետյանն անդրադարձել է նաև երկրում առկա սոցիալան վիճակին. «Դուք շատ լավ գիտեք, երբ հանրության մեջ մեկ միլիոն և ավել, դա պաշտոնական թվերն են, որն ասում եմ, ընչազուրկ խավ կա, չկա այդպիսի մի երկիր, որ իր իշխանությանը սիրի, չկա», - ասաց նա, հավելելով, որ դա ունի թե օբյեկտիվ, թե սուբյեկտիվ պատճառ:

«Օբյեկտիվը՝ դա թալանն է, տարիներ շարունակ դա շարունակվել է և շարունակվում է: Առաջին անգամ չէ, որ խոսում եմ, և բոլոր ակդպիսի մարդկանց ձեռքերը պետք է բռնենք: Պետական ինստիտուտներում այդպիսի մարդիկ պետք է տեղ չունենա: Ուզում են լավ ապրեն, իբրև խելոք են, կա բիզնես դաշտ, խնդրեմ, գնացեք ձեր ուղեղը, ձեր պոտենցիալը դրեք այնտեղ, ոչ թե պետական ռեսուրսները օգտագործեք ձեր անձնական շահերը սպասարկելու համար: Այդպիսի մարդիկ պետք է ընդհանրապես քաղաքական դաշտից դուրս գան», - պարզաբանեց պատգամավորը:

Մանրամասները՝ News.am-ի տեսանյութում:

Լուսանկարը՝ Photolure-ի: