Ադրբեջանական սոցցանցային արձագանքը մարտական գործողություններին

Փետրվարի 25-ի ժամը 13։30-ի դրությամբ ադրբեջանական սոցցանցերում դեռևս շարունակում են գրել սահմանում լարվածության մասին։ Այդ երկրի ՊՆ-ն իր վերահսկողության գոտում գտնվող խմբերի միջոցով զգուշացնում է, որ «ավելորդ» տեղեկություններ չտարածեն, բայց մեկնաբանություններ կան, որ իրենք միայն միջդիրքային գոտում առնվազն 7-16 դիակ են թողել, այդ թվում՝ սպաներ։ Կան տեղեկություններ, որ կորուստները անհամեմատ ավելի շատ են։

Սոցցանցերում օգտատերերի մեկնաբանությունները երբեմն նույնիսկ տրամագծորեն տարբերվում են մինչ այս լարված իրավիճակներում հանդիպած մեկնաբանություններից։ Հիմնականում նկատվում է այսպիսի իրավիճակներին ուղեկցող տիպիկ հուսալքությունն, այդ թվում՝ սեփական լրատվամիջոցներից։

Նշվում է, որ պետական հեռուստաընկերությունները առհասարակ բան չեն հաղորդում։ Մեկնաբանողների հիմնական մասը նշում է, որ հատկապես լարված եղել է Մարտունի (Խոջավենդ) և Վարանդա-Հադրութ (Ֆիզուլի) ուղղություններով, որտեղ էլ Ադրբեջանը ունի մեծ թվով կորուստներ։

Կորուստների թվաքանակի վերաբերյալ դեռևս հստակ տեղեկություններ չկան։ Հանդիպած մեկնաբանություններից մեկում նշվում է, որ «7-ից էլ շատ ավելի շատ դիակ ունեն միայն Ֆիզուլու ուղղությամբ, որ թողել են միջդիրքային տարածությունում»։ Սակայն ընդհանուր կորուստների մասին դեռ տեղեկությունները հստակ չեն։

Մանրամասներն ու համապատասխան հղումները՝ razm.info-ում։