Օբաման Ֆրանսիայի նախագա՞հ

ԱՄՆ նախկին նախագահ Բարաք Օբամայի ֆրանսիացի երկրպագուները ցանկանում են նրան  Ֆրանսիայի նախագահի պաշտոնին առաջադրելու հնարավորություն ձեռք բերել: 

Նրանք Օբամայի լուսանկարով և «Obama17» գրությամբ պաստառներ են փակցրել ողջ Փարիզով մեկ, ինչպես նաև համապատասխան կայք գործարկել: Այնտեղ կարելի է նաև խնդրագիր ստորագրել, որը «կհամոզի Օբամային» մասնակցել ընտրություններին:

Ակտիվիստների նպատակը՝ մեկ միլիոն ստորագրություն:

«Ժամանակներում, երբ Ֆրանսիան մասսայական պատրաստվում է քվեարկել ուլտրա-աջ թեկնածուին, մենք դեռ կարող ենք այս մոլորակին ժողովրդավարության դաս տալ, նախագահ ընտրելով արտասահմանցու», - ասվում է կայքում տեղադրված հայտարարության մեջ:

«ABC News»-ն ուշադրության է արժանացնում ակտիվիստների նախաձեռնության մեկնարկին խոչընդոտող փաստի. «Այդ ամենը շատ լավ է հնչում, սակայն մեկ խնդիր կա: Ֆրանսիայի նախագահը պետք է ֆրանսիացի լինի, իսկ Օբաման ֆրանսիացի չէ»:

Zham.am