Հայաստանը գոհ է Ռուսաստանի հետ ռազմական համագործակցությունից. Վ. Սարգսյանի հարցազրույցը «ՌԻԱ Նովոստի» գործակալությանը
ՀՀ Պաշտպանության նախարարությունը գոհ է Ռուսաստանի հետ համագործակցությունից ռազմաարդյունաբերական ոլորտում: Այս մասին «ՌԻԱ Նովոստի»-ին տված հարցազրույցում ասաց ՀՀ ՊՆ նախարար Վիգեն Սարգսյանը:
«Ռուսաստանը՝ ռազմավարական դաշնակից է: Այդպես ենք մենք դիտարկում ողջ համագործակցությունը Ռուսաստանի հետ, թե ռազմական կադրերի պատրաստության հարցում, թե ռազմատեխնիկական ոլորտում, թե ռազմաքաղաքական երկխոսության: Մենք գտնում ենք, որ դա անքակտելի համալիր է», - ասաց Սարգսյանը:
«Մենք բաց ենք և պատրաստ նման երկխոսության հետագա խորացմանը: Պաշտպանության նախարարների և Գլխավոր շտաբի պետերի մակարդակով խորհրդակցությունները մշտական բնույթ են կրում», - հավելեց նա:
Սարգսյանը նշեց, որ հայ և ռուսաստանցի զինվորականները մշտապես այցերով են փոխանակվում բարձր մակարդակով: «Շատ ուրախ եմ, որ իմ՝ նախարար նշանակվելու պահից, հնարավորություն են ունեցել Երևանում ընդունել ՀԱՊԿ-ի շրջանակներում մասնակցող Ռուսաստանի պաշտպանության նախարարին, լինել Ռուսաստանում պաշտոնական այցով: Հայոց բանակի կազմավորման 25-ամյակի տոնակատարության ընթացքում հյուրընկալել ենք պաշտպանության նախարարի առաջին տեղակալի գլխավորած պատվիրակությանը: Գտնում եմ, որքան շատ լինեն այցերն, այնքան լավ, որովհետև մեր համագործակցությունն ուղղված է մեր տարածաշրջանում սպառնալիքների ու մարտահրավերների համալիր ուսումնասիրմանը, փոխադարձ շահերի ընկալումը և այդ շահերի հիման վրա արտաքին ու ռազմաքաղաքական բլոկի հարցերի կառուցում», - ասաց նա:
Սարգսյանը նշեց, որ «հարաբերությունների ներկայիս մակարդակը շատ բարձր է»:
«Այն թեմաները, որոնք մենք այսօր քննարկում ենք գիտական ինստիտուտների ամբողջական ներուժի օգտագործման և զարգացման, արտադրական ներուժի և այլնի շրջանակներում մեր երկրների միջև՝ այդ ամենը փոխադարձ փոխգործակցության բացառապես նոր հնարավորություններ է բացում: Ցանկանում ենք, որպեսզի դա իրագործվի հնարավոր ամենակարճ ժամկետներում, և դրա համար կաշխատենք առավել ինտենսիվ», - ասաց Սարգսյանը:
Zham.am
Լուսանկարը՝ Ֆոտոլուրի
Հետևեք մեզ Facebook-ում