Ձեռքներդ հեռու Կիմ Բալայանից, այ խունվեյբին-հեղափոխականներ (Տեսանյութ)
Նորաստեղծ «Ազգային առաջնթաց» կուսակցության մամլո-խոսնակ ոմն Հայկ Գրիգորյանը իր ֆեյսբուքյան գրարման մեջ նշել է, թե Մանվել Գրիգորյանի խափանման միջոցը փոխած դատավորը Դավիթ Բալաjանն է` Կիմ Բալայանի որդին: Վերջինս հիշեցնում է` այս կուսակցության մամլո խոսնակը նախկինում եղել է դաշնակցական, կարծես ակնարկելով հանրությանը, թե որտեղ է «թաղված շան գլուխը», այսինքն, որտեղ պիտի փնտրել գեներալ Մանվելի խափանման միջոցի փոփոխման պատճառները:
Դա էլ հերիք չէր, սույն երիտասարդ հեղափոխականը ավետում է, որ պարզվում է Կիմը ունի ևս որդիներ, որոնք զբաղեցնում են բարձր պաշտոններ: Այս, իբր երիտասարդ սոցիալ-դեմոկրատը, բայց իրականում հեղափոխական- խունվեյբինը կարծես գործ է տալիս հանրությանն ու իշխանությանը, թե տեսեք ինչ պոտենցիալ «ականներ» կան մեր պետական համակարգում:
Նախ մի քանի խոսք Կիմ Բալայանի մասին: Այս մարդը մեր երկրի եզակի պարկեշտ մարդկանցից մեկն է, բարձր որակի պրոֆեսիոնալ և հումանիստ, ով իր սկզբունքների համար նաև տուժվել է: Բայց քանի որ խոսք գնաց արդեն այսպիսի մակարդակի բամբասանքի մասին, ապա կարո՞ղ ենք մենք էլ մեր հռետորական հարցադրումն անել դեռ բոլորիս համար անհայտ երիտասարդ Հակ Գրիգորյանի մասին: Նա շատ էր հրապարակայնորեն հանդես գալիս ընտրությունների ժամանակ և թողնում էր խիստ պրիմիտիվ և չկրթված երիտասարդի տպավորություն: Ընտրությունների արդյունքներով այս ուժը հավաքել էր զրոից մի քիչ բարձր տոկոսի ձայներ, բայց ամպագորգոռ հայտարարությունով հանդես եկավ, կարծես գտնվում էր հաղթողի դերում: Այստեղից այն տպավորությունն էր առաջ գալիս, որ նրանք ընտրություններին մասնակցում էին այլ նպատակով: Բայց սա մի կողմ թողնենք, այս երիտասարդի վերջին հայտարարությունը արդեն հուշում է, որ սրանք ոչ թե քաղաքական ուժ են, այլ շարքային գործ տվողների թիմ, որոնց միակ նպատակը բամբասանքային գործունեությունն է, փնովել կոնկրետ շրջանակների՝ հավանաբար կոնկրետ շահեր հետապնդելով: Եվ քանի որ այս երիտասարդը իրեն թույլ է տվել երևույթները գնահատելիս անցնել անձերի և բարեկամների վրա, ապա մենք էլ մեզ կարող ենք թույլ տալ ենթադրելու, որ սրանք 37 թվականների ստուկաչների հավատարիմ ժառանգորդներն են, որոնք կործանեցին մեր ժողովրդի լավագույն մասին: Ափսոս, որ այդ ստուկաչները իրենց արժանի պատիժը չստացան և Հայաստանում լյուստրացիա չկատարվեց: Եթե մենք էլ գնայինք Բալթյան երկրների ճանապարհով, ապա հաստատ այս մարդկային տեսակի գենետիկական հետևորդների այսօր չէինք հանդիպի և որպես երկիր իր բարոյական նկարագրով մեկ քայլով առաջ կլինեինք՝ ներկայիս վիճակի հետ համեմատ:
Դավիթ Մկրտչյան
Հետևեք մեզ Facebook-ում