Ապացուցեք ձեր ազնվությունը, եթե ունեք այն. Ալեք Ենիգոմշյանի կոչը՝ քաղաքական ուժերին
«Արդեն երկրորդ անգամ է, ինչ նա իր կյանքը դրել է հայ ժողովրդի արժանապատվության զոհասեղանին: Մենք կոչ ենք անում դադարեցնել հացադուլը, բայց լավ գիտենք, թե ինչու է այդ քայլին գնացել: Մենք բոլոր տղաներին երդվում ենք, որ իրենց զոհաբերությունն իզուր չի գնացել, և մենք շարունակելու ենք պայքարը: Մենք այսօրվանից չպետք է դադարեցնենք մեր բողոքի ակցիաները»,- այս մասին այսօր Ազատության հրապարակից Դատապարտյալների հիվանդանոց երթի ժամանակ հայտարարել է «Հիմնադիր խորհրդարան»-ի անդամ Ալեք Ենիգոմշյանը, կոչ անելով «Հաց բերող» Արթուր Սարգսյանին դադարեցնել հացադուլը։
Նա բոլոր քաղաքական բոլոր ուժերին կոչ արեց օգտվել այս ստեղծված առիթից և ապացուցել իրենց ազնվությունը:
«Հայաստանը մտել է ընտրություններ կոչվող խաղի մեջ: Քաղաքական բոլոր այն ուժերը, որոնք մասնակցում են այս ընտրություններին, այսօր առիթ է տված ապացուցելու իրենց ազնվությունը: Եթե դուք ասում եք, որ ընդդիմանում եք այս վարչակազմին, ապա այս պահին դրա ապացույցը կլինի Արթուր Սարգսյանին հացադուլից և կալանավորումից դուրս բերելը: Ապացուցեք ձեր ազնվությունը, եթե ունեք այն»։
Zham.am