Շղթայական ավտովթար Աճառյան փողոցում. կա տուժած

Դեկտեմբերի 24-ին, ժամը 11:56-ին «911» ծառայությանն ահազանգ է ստացվել, որ Երևան քաղաքի Ավան վարչական շրջանից Կոտայքի մարզի Առինջ գյուղ տանող ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Աճառյան փողոցի թիվ 56/3 շենքի մոտակայքում բախվել են Nissan March վարորդը՝ Կ. Ս., ծնված 1990 թ., Nissan Altima վարորդը՝ Ա. Բ., ծնված 1936 թ. և Mercedes E320 վարորդը՝ Տ. Պ., ծնված 1988 թ. մակնիշերի ավտոմեքենաները: Nissan March մակնիշի ավտոմեքենայի ուղևորը՝ Կ. Մ.-ն, տարբեր աստիճանի մարմնական վնասվածքներով հոսպիտալացվել է Սուրբ Գրիգոր Լուսավորիչ ԲԿ:

Փրկարարները փակել են Nissan March և Mercedes E320 մակնիշերի ավտոմեքենաների գազի բալոնների փականները և հոսանքազրկել Nissan March մակնիշի ավտոմեքենան: