405 մլն դրամ, ռետրո մեքենաներ, բաժնետոմսեր.ի՞նչ ունեցվածք ունի Մանվել Գրիգորյանը (Տեսանյութ)

Ինչպես արդեն հայտնել ենք, դատարանը 25 մլն դրամ գրավի դիմաց ազատ է արձակել գեներալ, ԱԺ նախկին պատգամավոր Մանվել Գրիգորյանին: Zham.am-ն ուսումնասիրել և Ձեզ է ներկայացնում, թե ինչ ունեցվածք է ունեցել Մանվել Գրիգորյանը մինչ կալանավորումը:

Բարձրաստիճան պաշտոնատար անձանց էթիկայի հանձնաժողով ներկայացրած 2017 թվականի տարեկան հայտարարագրում Մանվել Գրիգորյանը գրանցել է 156 մլն դրամ արժողությամբ մեկ փոխառություն:

Դրամական միջոցները կազմել են՝

45 հազար դոլար,

45 հազար եվրո,

405 մլն 762 հազար 500 դրամ, որը հարկային տարվա ավարտին նվազել է՝  դառնալով 313 մլն 647 հազար 910 դրամ:

2017 թվականին Մանվել Գրիգորյանը ստացել է 67 մլն 885 հազար 410 դրամ եկամուտ, որը գոյացել է հետևյալ միջոցներից`

24 մլն 100 հազար  դրամ՝ շահաբաժին,

6 մլն 150 հազար 200 դրամ՝ աշխատանքի վարձատրություն

35 մլն 440 հազար դրամ՝ շահաբաժին,

2 մլն 195 հազար 210 դրամ՝ այլ եկամուտներ:

Մանվել Գրիգորյանն անշարժ և շարժական գույք չի գրանցել:

Պաշտոնի ստանձման հայտարարագրում, որը ներկայացվել է 2017 թվականի հունիսի 17-ին, Մանվել Գրիգորյանը գրանցել է 2 շենք-շինություն, 2 հողամաս և 1 արտադրական նշանակության շինություն:

Որպես անշարժ գույք՝ գրանցված է 8 ավտոմեքենա, որոնց մի մասը բացառիկ ռետրո մոդելներ են: 

Նախկին պատգամավորը գրանցել է 4 բաժնեմաս հետևյալ արժեքներով՝

72 մլն 800 հազար դրամ,

50 հազար դրամ,

32 մլն 900 հազար դրամ,

61 մլն 540 հազար դրամ:

Դրամական միջոցները կազմել են`

405 մլն 762 հազար 500 դրամ,

45 հազար դոլար,

45 հազար եվրո:

Եկամուտները կազմել են 1 մլն 976 հազար 590 դրամ, որը գոյացել է աշխատանքի վարձատրությունից:


Պատրաստեց Ակաթի Վահանյանը