«Արշակ Կարապետյանը ցուցմունք է տվել Ռոբերտ Քոչարյանի դեմ». Հայկ Ալումյան (Տեսանյութ)

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանն այսօր մամուլի ասուլիս է տվել: Լրագրողներին այն հարցին, թե համապատասխանո՞ւմ են իրականությանն Արշակ Կարապետյանի՝ Ռ. Քոչարյանի դեմ ցուցմունք տալու լուրերը, ասել է. «Այոʹ, կա այդպիսի բան, որ տվյալ անձը ցուցմունք է տվել պարոն Քոչարյանի դեմ:

Պարոն Քոչարյանը պնդում է, որ ակնհայտ սուտ ցուցմունք է տրված, դրա համար էլ եղել է փորձ առերեսել իրենց, որը ձախողվել է որոշ պատճառներով, որը չէի ուզի հիմա մանրամասնել: Նաև Արշակ Կարապետյանը եղել է այդ թիվ «0038» հրամանի հիման վրա Յուրի Խաչատուրովի տեղակալներից մեկը: Թե ինչու է Արշակ Կարապետյանը հիմա նշանակվել վարչապետի խորհրդական, չեմ կարող մեկնաբանել, բայց կարող եմ միայն ենթադրել, որոշ գործերից ունեցած իմ դառը փորձից ելնելով, երբեմն այդպիսի նշանակումներով խրախուսվում է քրեական գործի շրջանակներում որոշակի վարքագիծ»:

Zham.am