Ցանկացած հարցի մասին խոսելիս, երևի, իդեալական կլիներ նախապես ուսումնասիրել նրա հետ կապված բոլոր նրբությունները, դա թույլ կտա ավելի ծանրակշիռ կարծիք հայտնել: Տեսեք, շատերը խոսելիս #Ամուլսարի հանքի մասին նշում են՝ թե, բա, կողքին բնակավայրեր կան, բա, ոնց կարելի է օգտագործել այդ սարը և այլն, և այլն... Այս դեպքում, եթե մի կողմ դնենք այն, թե ինչ տեխնոլոգիական մեթոդներով է իրականացվելու հանքարդյունաբերական գործընթացները (ես գիտեմ, որ անցկացվելու է վերջին տեխնոլոգիաներով և մաքսիմալ անվտանգ) և կուզենայի ավելի շատ խոսել նրա մասին, թե առհասարակ աշխարհում տարածված է, որ հանքը լինի քաղաքի շրջակայքում կամ բնակավայրին մոտ: Անգամ հպանցիկ ուսումնասիրությունը ցույց է տալիս, որ նման պրակտիկան տարածված է, և եթե հեռավոր երկրների օրինակները մեր հասարակության համար օտար են, փորձեմ օրինակ բերել մեզ ավելի մոտիկ և գործընկերային երկիր՝ Ռուսաստանից:
Ի թիվս այլ քաղաքների ՌԴ-ում
Զմեինոգորսկ քաղաք կա, որը դեռ 18-րդ դարից հանդիսանում է խոշոր հանքավայր, այնտեղ դարեր ի վեր ստացել են ոսկի և արծաթ: Այսօր այստեղ ոսկուց ու արծաթից բացի արդյունահանում են նաև բազմամետաղային հանքաքար: Եթե նկատում եք, սովորական միջին քաղաք է, մարդիկ այնտեղ դարերով ապրում են, աշխատում են:
Սա ասում եմ այն բանի համար, որ վերջապես մարդիկ հասկանան, որ 21-րդ դարում հանքը կարող է լինել քաղաքին մոտ: Կարևորը միայն, որ հանքարդյունաբերական գործընթացներն իրականացվեն հավուր պատշաճի, առանց օդին և ջրին անվերականգնելի վնաս հասցնելու, փակ ցիկլով, ախատողներն էլ ունենան հնարավորություն տարին մեկ անգամ լիարժեք բուժզննում անցնել: Այս պարագայում հնարավոր է և պետք է շահագործել Ամուլսարը, և թույլ տալ հանքարդյունաբերությունից ստացած գումարները ներդնել այլ ոլորտներում, ինչը տնտեսական զարգացման մոլտիպլիկատիվ էֆեկտ է ապահովում:
Հետևեք մեզ Facebook-ում