2017 թ․ Սամվել Ալեքսանյանին պատկանող «Ալեքս հոլդինգ» ընկերությունը վճարել է 16 մլրդ 175 մլն դրամ հարկեր, իշխանափոխությունից հետո՝ 17 մլրդ 164 մլն դրամ

2017 թվականին Սամվել Ալեքսանյանին պատկանող «Ալեքս հոլդինգ» ընկերությունը հունվար-սեպտեմբեր ամիսներին վճարել է 16 միլիարդ 175 մլն դրամ հարկեր։ Իշխանափոխությունից հետո՝ 2018 թվականի հունվար-սեպտեմբերի ժամանակահատվածում նույն ընկերությունը վճարել է 17 միլիարդ 164 մլն դրամ հարկեր։

Եվ սա այն դեպքում, երբ մայիս ամսին ԱԱԾ բացահայտեց, որ Ալեքսանյանի սուպերմարկետները 20 տոկոս հարկի փոխարեն 2 տոկոս են վճարել, այսինքն՝ պետք է ենթադրել, որ մայիս ամսից նորից 20 տոկոս է վճարել։

Սրան պետք է գումարել նաև այն, որ Ալեքսանյանը, ըստ իշխանությունների հավաստիացումների, մայիս ամսից գրանցել է բոլոր աշխատողներին և նրանց համար հարկեր է վճարում։ Ենթադրությունները թողնում եմ ձեզ։

***

Շնորհակալություն եմ հայտնում հայրենի հեղափոխական կառավարությանը քաղավիացիայի գլխավոր կոմիտեի տնօրենի համար 13 միլիոնով նոր Տոյոտա Քեմրի գնելու համար։

Բա տենց համով աղջիկը հին Շկոդայով ման գա՞ր։ Բանանի էժանացումից հետո սա համարում եմ նոր կառավարության կարևորագույն երկրորդ ձեռքբերումը։

***

Պատկերացնում եք՝ Լավրովը Սերժ Սարգսյանի ժամանակ հայտարարեր ռուս-հայկական նոր պայմանագրի մասին։ Մի քանի «իրավապաշտպաններ», «եվրոպամետ» գործիչներ միայնակ հեղափոխություն կանեին։

Բորիս Մուրազիի ֆեյսբուքյան էջից