ՀՀ առաջին տիկինները.ովքե՞ր են եղել և ինչո՞վ են զբաղվել (Տեսանյութ, ֆոտոշարք)

Zham.am-ը ներկայացնում է, թե ովքեր  են եղել ՀՀ  առաջին տիկիննները, ինչ մասնագիտություն են ունեցել և ինչով են զբաղվել:

ՀՀ  առաջին նախագահ Լևոն Տեր-Պետրոսյանի կինը՝ Լյուդմիլա Ֆրոիմի Տեր-Պետրոսյանը /Պլեսկովսկայա/ ծնվել է 1947 թ-ի դեկտեմբերի 20-ին Սանկտ Պետերբուրգ քաղաքում:

Ազգությամբ հրեա է:

Լյուդմիլա Տեր-Պետրոսյանն ավարտել է Սանկտ Պետերբուրգի պետական համալսարանի գերմանիստիկայի ֆակուլտետը:

Մասնագիտությամբ գերմանագետ է, ինչպես նաև հեռուստալրագրող, նա շուրջ 20 տարի աշխատել է Հայաստանի պետական ռադիոյի ռուսական խմբագրությունում՝ որպես լրագրող-խմբագիր:

1972 թվականին ամուսնացել է Լևոն Տեր-Պետրոսյանի հետ և տեղափոխվել Հայաստան:

ՀՀ երկրորդ նախագահ Ռոբերտ Քոչարյանի կինը`  Բելլա Քոչարյանը  ծնվել է 1954 թվականի հունվարի 31-ին, Ստեփանակերտ քաղաքում։

Բելլա Քոչարյանը բժշակական կրթություն ունի, 1978 թվականին ավարտել է Երևանի բժշկական ինստիտուտի սանիտարա-հիգիենիկ ֆակուլտետը։


Աշխատել է Լեռնային Ղարաբաղի մարզային սանիտարա-հակահամաճարակային կայանում որպես բժիշկ-մանրէաբան, ապա` բժիշկ հակահամաճարակաբան։

Զբաղեցրել է մարզային ՍՀԿ-ի գլխավոր բժշկի տեղակալի պաշտոնը։ Աշխատանքի վերջին տարիներին (1991 և 1993 թթ.) եղել է ՍՀԿ-ի համաճարակաբանության բաժնի վարիչը։

ՀՀ երրորդ նախագահ Սերժ Սարգսյանի կինը Ռիտա Սարգսյանը/ Դադայանը/ ծնվել է 1962 թվականի մարտի 6-ին, Ստեփանակերտ քաղաքում, զինծառայողի ընտանիքում:

Ավարտելով Ստեփանակերտի Ա. Գրիբոյեդովի անվան հ.3 միջնակարգ դպրոցը` Ռիտա Սարգսյանը ստացել է երաժշտական կրթություն:

Այնուհետև աշխատել է մանկապարտեզում` որպես երաժշտության ուսուցչուհի: Հայաստան տեղափոխվելուց հետո չի աշխատել:

ՀՀ վարչապետի պաշտոնակատար Նիկոլ Փաշինյանի կինը՝ Աննա Հակոբյանը ծնվել է 1978 թ-ի փետրվարի 1-ին, Երևան քաղաքում։

1995 թվականին ընդունվել է Երևանի պետական համալսարանի ժուռնալիստիկայի ֆակուլտետը։

2008-ից մինչև 2018 թ-ը ընդհատումներով եղել է «Հայկական ժամանակ» օրաթերթի գլխավոր խմբագիրը: 

Zham.am