26 հազար դոլար, ավտոտնակ. ի՞նչ ունեցվածք ունի Տիգրան Ավինյանը

Zham.am-ը շարունակում է իր ընթերցողներին ներկայացնել բարձրաստիճան պաշտոնյաների ունեցվածքի հայտարարագրերը:

Այս հրապարակմամբ անդրադառնում ենք ՀՀ փոխվարչապետի պաշտոնակատար Տիգրան Ավինյանի հայտարարագրին:

Բարձրաստիճան պաշտոնատար անձանց էթիկայի հանձնաժողով ներկայացրած 2018 թ-ի հայտարարագրում Ավինյանը գրանցել է 600 հազար դրամ և 2475 դոլար դրամական միջոց:

Որպես անշարժ գույք գրանցված է 1 ավտոտնակ:

Տիգրան Ավինյանի եկամուտները կազմել են 14 հազար 620 դոլար, որի ստացման աղբյուրը նշված է որպես այլ եկամուտներ:

Հայտարարագիրը ներկայացնելու՝  ս/թ հունիսի 11-ի դրությամբ Ավինյանն ունեցել է 7 հազար դոլար արժողությամբ ներդրում:

Տիգրան Ավինյանի կնոջ՝  Մարիամ Պահլավունու ունեցվածքի հայտարարագիրը ներկայացված չէ:

Դեկտեմբերի 9-ին կայացած արտահերթ խորհրդարանական ընտրություններում Տիգրան Ավինյանը «Իմ քայլը»  դաշինքի համամասնական ցուցակի 4-րդ համարն էր:

Կենտրոնական ընտրական հանձնաժողով ներկայացրած վերջին 1 տարվա գույքի և դրամական միջոցների հայտարարագրում Ավինյանը գրանցել է 1 ավտոտնակ, դրամական միջոցներ և եկամուտներ:

Տիգրան Ավինյանի դրամական միջոցները կազմել են՝ 

2 հազար 760 դոլար և 4 մլն 56 հազար դրամ:

Եկամուտները կազմել են 8 մլն 496 հազար 339 դրամ, որը Ավինյանի փոխվարչապետի աշխատավարձն է և 26 հազար 860 դոլար, որը Ավինյանին փոխանցել են տարբեր երկրներից՝  ԱՄՆ, Ֆրանիսա, Իտալիա և այլն:

Պատրաստեց Ակաթի Վահանյանը