Պատմության մեջ առաջին անգամ ցմահ դատապարտյալ է ազատ արձակվել

Այս պահի դրությամբ համաներմամբ պատժի կրումից ազատ է արձակվել ավելի քան 550 դատապարտյալ, պրոբացիայի ծառայությունում համաներում կիրառվել է ավելի քան 1000 շահառուի նկատմամբ, 1 ցմահ դատապարտված էլ պատմության  մեջ առաջին գամ պայմանական վաղաժամկետ ազատ է արձակվել։ Այս մասին այսօր իր աշխատանքն ամփոփող  մամուլի ասուլիսի ժամանակ ասաց Արդարադատության նախարարի պաշտոնակատար Արտակ Զեյնալյանը։

«Այս պահի դրությամբ ավելի քան 240 անձ պայմանական վաղաժամկետ ազատ է արձակվել դատարանների որոշումների համաձայն։ Նաև ներկայացվել են միջնորդություններ ցմահ դատապարտված անձանց պայմանական վաղաժամկետ ազատման նպատակով, որից մեկը բավարարվել է և Հայաստանի պատմության մեջ առաջին անգամ ցմահ դատապարտյալը պայմանական վաղաժամկետ ազատ է արձակվել»,-ասաց Արտակ Զեյնալյանը: 

«Կրկնապատկվել է ցմահ դատապարտվածների և առանձնապես ծանր հանցանք գործածների երկարատև տեսակցության հնարավորությունները՝ դարձնելով մինչև վեց տեսակցություն; Բացի այդ, քրեակատարողական հիմնարկները հագեցած են տեսակապի հնարավորություններով և տրվել է հանձնարարական, որ եթե բոլորը սպառել են առնվազն մեկ տեսակապի հնարավորությունը, ապա տրվի լրացուցիչ տեսկապի հնարավորություն»,- նշեց Արտակ Զեյնալյանը։

Զեյնալյանը հավելեց, որ  վերջին տաս տարում առաջին անգամ պետական բյուջեից քրեակտարողական հիմնարկների կապիտալ վերանորոգումնների համար շուրջ 270 մլն դրամի չափով։

Zham.am