Լեւոն Մնացականյանն ազատվեց պաշտոնից (Տեսանյութ)

Արցախի պաշտպանության բանակի հրամանատար Լեւոն Մնացականյանն ազատվել է պաշտոնից, տեղեկանում ենք 5-րդ ալիքից:

Արցախի Հանրապետության նախագահ Բակո Սահակյանն այսօր՝ դեկտեմբերի 14–ին, Պաշտպանության բանակի հրամկազմին է ներկայացրել նոր հրամանատարին՝ Կարեն Աբրահամյանին, որը մինչև այժմ ՊԲ գլխավոր շտաբի պետի պաշտոնն էր զբաղեցնում։

Մնացականյանի Զինվորական ծառայությունը

1983-1985 թթ. - ծառայել է ԽՍՀՄ զինված ուժերում։
1992-1994 թթ. - մասնակցել է մարտական գործողություններին։
1992-2005 թթ. - զբաղեցրել է տարբեր հրամանատարական պաշտոններ Զինված ուժերում, այդ թվում ՊԲ հրետանային բրիգադի հրամանատար։
2005 թ. - նշանակվել է Արցախի ՊԲ հրամանատարի տեղակալ։
2007 թ. - նշանակվել է Արցախի ՊԲ շտաբի պետ-հրամանատարի առաջին տեղակալ։
2012 թ.- հոկտեմբերի 11-ին ՀՀ Նախագահի հրամանագրով նշանակվել է ՀՀ զինված ուժերի գլխավոր շտաբի պետի տեղակալ։
2015 թ. - հունիսի 15-ին ՀՀ Նախագահի հրամանագրով ազատվել է ՀՀ զինված ուժերի գլխավոր շտաբի պետի տեղակալի պաշտոնից։
2015 թ. - հունիսի 15-ին ԼՂՀ Նախագահի հրամանագրով նշանակվել է ԼՂՀ պաշտպանության նախարար-Պաշտպանության բանակի հրամանատար։

Պարգևներ և կոչումներ

2003 թ. - շնորհվել է գեներալ-մայորի զինվորական կոչում
2014 թ. - սեպտեմբերի 3-ին շնորհվել է գեներալ-լեյտենանտի զինվորական կոչում
«Վարդան Մամիկոնյան» շքանշան (2006)։
ՀՀ «Մարտական խաչ» 2-րդ աստիճանի շքանշան,
«Հայրենիքին մատուցած ծառայությունների համար» 2-րդ աստիճանի մեդալ,
Արցախի Հանրապետության «Մարտական խաչ» 1–ին աստիճանի շքանշան,
ՀՀ «Մարշալ Բաղրամյան» մեդալ
ՀՀ «Անդրանիկ Օզանյան» մեդալ

Zham.am