Բանակին վերաբերող որոշումները գոնե այս պահին պետք է իրականացվեն շատ խիստ քննարկումների արդյունքում

Ծայրահեղությունից ծայրահեղություն ազգ ենք ու միշտ կմնանք։

Արցախի հարցը կամ, ինչպես սիրում եք ասել, հող հանձնելը կապված չէ որևէ անձի հետ։ Արցախը պահողը, հանձնող-չհանձնողը հայ ժողովուրդն է։

Ու բացառություն չի կազմում նաև գեներալ Լևոն Մնացականյանը, ով, լինելով փորձառու զինվորական, ունենալով երկար տարիների հրամանատարական մեծ փորձ ու անցած ճանապարհ, որևէ կերպ միայնակ ու իր անձով պայմանավորված չի կարող հանդիսանալ թույլ տվող կամ չտվող։

Այսինքն՝ ոչ մի պարագայում չի կարելի հայտարարել, որ Մնացականյանին պաշտոնից հանում են Արցախը հանձնելու համար։ Չի կարելի նաև հայտարարել, թե՝ հա, լավ, ի՞նչ ա եղել որ, մեկ ա, լիքը գեներալ կա։

Ոչ մեկի պաշտոնը հավերժ չէ, սակայն բանակին վերաբերող որոշումները գոնե այս պահին պետք է իրականացվեն շատ խիստ քննարկումների արդյունքում։

Աշոտ Ասատրյանի ֆեյսբուքյան էջից