Մարտի 1-ի գործով քննչական խմբի նախկին ղեկավար Վահագն Հարությունյանն ազատվել է կալանքից

13 Դեկտեմբեր, 2018 13:11

Դիտել նաև

«Դեռ չունենք պատկերը՝ ի վերջո 4 ուժ է մասնակցում մանդատների բաշխմանը, թե 3». Վահագն Հովակիմյան «Ինչո՞ւ չեն դատապարտում, որ եկեղեցական ծեսը փորձ է արվում օգտագործել քարոզչական նպատակով»․ Սերգեյ Հարությունյան 3 միլիոնանոց «ժողբաստիոն» Հայաստանում արդեն 40-ից ավել քաղբանտարկյալ ունենք. փաստաբան Ոստիկանությանը կարգադրագիր կտրամադրի Ջալալ Հարությունյանին կալանավորելու համար Արայիկ Հարությունյանի կադրը խոշոր գումարներ է հափշտակել

Հայաստանի Վերաքննիչ դատարանը որոշել է վերացնել Մարտի 1-ի քննչական խմբի նախկին ղեկավար Վահագն Հարությունյանի նկատմամբ Երևանի ընդհանուր իրավասության դատարանի կողմից կիրառված կալանքի որոշումը և այժմ Հարությունյանն ազատ է։

Վերաքննիչ դատարանը այդ մասին որոշումը կայացրել է դեկտեմբերի 12-ին, Aysor.am-ին տեղեկացրեց նրա փաստաբան Միհրան Պողոսյանը։

Փաստաբանն ասաց, որ Վերաքննիչ դատարանի որոշումը դեռ չեն ստացել և առայժմ չի կարող տեղեկացնել՝ ինչի հիման վրա է իր պաշտպանյալն ազատվել կալանքից։ Այդուհանդերձ, նա դատարանի որոշումը դրական գնահատեց։

Ինչ վերաբերում է իր պաշտպանյալին, փաստաբանն ասաց, որ Հարությունյանն այժմ շարունակում է բուժման կուրսը Մոսկվայում և ավարտելուն պես կվերադառնա։

Հիշեցնենք՝ Հատուկ քննչական ծառայությունը Վահագն Հարությունյանին մեղադրում էր մարտի 1-ի գործով առանձնապես ծանր հանցագործության վերաբերյալ քրեական գործով ապացույցներ կեղծելը կազմակերպելու համար:

Մանրամասները՝ Aysor.am-ում։