Հիմա սպասում եք, թե ձեր ընկերներից ով է նախարար կամ մարզպետ դառնալու, բայց մեկ ապաքաղաքական լուր

Ընկերներ ջան

Գիտեմ, որ դեռ շատերդ զբաղված եք ընտրությունների արդյունքները վերաիմաստավորելով, և հիմա սպասում եք, թե ձեր ընկերներից ով է նախարար կամ մարզպետ դառնալու, բայց չեմ կարող չկիսվել մի ուրախալի ապաքաղաքական լուրով։

Այս տարի մենք Արցախի հեռավոր զորամասերից մեկում տեղադրեցինք Սկայպ կապի կետ զինվորների համար, որոնք ոչ միայն կտրված են իրենց ընտանիքներից, այլ տառացիորեն ցանկացած քաղաքակրթությունից։ Ծրագիրը այնքան հաջող ստացվեց, և այնպիսի դրական արձագանք առաջացրեց, որ Պաշտպանության նախարարությունը իր ուժերով հիմա պատրաստ է այն ընդլայնել առաջնագծի այլ զորամասերում։

Իսկ մենք այդ ընթացքում հանգիստ տեղներս չենք նստել, ու մշակել ենք այս ծրագրի շարունակության և խորացման հետաքրքիր մի տարբերակ։ Մնացեք մեզ հետ, և կիմանաք, թե ինչ ենք անելու, մինչ այդ հատուկ շնորհակալություն եմ հայտնում Ջորջին՝ այս դժվար գործը գլուխ բերելու, և այս գործի հովհանավոր Վահագնին՝ եղբայրական աջակցության համար։

Ավետիք Չալաբյանի ֆեյսբուքյան էջից