Մենք օգնել ենք թուրքերին, իրենց լոլիկը ռոսներին վաճառելու հարցում

Փաստորեն այլևս ապացուցված է, որ 2016 թվականի սկզբին հայկական արտադրանքի անվան տակ մեծ քանակությամբ թուրքական լոլիկ է արտահանվել Ռուսաստան:
Բոլորս էլ լավ հիշում ենք՝ Թուրքիայի և ՌԴ-ի հարաբերությունները սրվել էին թուրք-սիրիական սահմանին ռուսական Սու-24 ինքնաթիռի խոցումից հետո, և Ռուսաստանը պատժամիջոցներ էր սահմանել Թուրքիայի նկատմամբ՝ արգելելով այդ երկրից մի շարք սննդամթերքների, թռչնամսի, մրգերի ներմուծումը: Այս սրման հետևանքով ռուսական մամուլում սկսեց Թուրքիան ներկայացվել որպես «թիվ մեկ թշնամի»: Թուրքիայից Ռուսաստան ապրանքների ներմուծման արգելքի հետևանքով ռուսական շուկան կորցրած թուրք արտադրողները ստիպված եղան իրենց արտադրանքը ջրի գնով վաճառել ներքին շուկայում, և սկսեցին փնտրել այլընտրանքային ուղիներ՝ միջազգային շուկա դուրս գալու համար:

Փաստորեն, օդից ընկած այս մեծ հնարավորությունից չի օգտվել հայկական շուկան: Եթե մեր իշխանությունը ցանկանար դիվիդենտներ շահել ռուս-թուրքական թշնամական հարաբերություններից, մեր գյուղատնտեսությունը կնվաճեր ռուսական շուկան՝ զարգացնելով մեր տնտեսությունը:

Բայց չէ, նրանք ընտրեցին «բոլորը մեզ, ժողովրդին՝ առը քեզ» տարբերակը և, փոխանակ այդ հնարավորությունից օգտվեն, նոր շուկաներ գրավեն, տնտեսությունը զարգացնեն, որոշել են թուրքիային էլ ձեռքի հետ օգնեն, լուլիկ ու երևի ուրիշ այլ մթերքներ գնելով՝ Հայստանի անվան տակ Ռուսաստանին վաճառելով:

Դուրս է գալիս, որ այդ «խելոքները» որոշել են թուրքերին ձեռք մեկնել, այլ ոչ թե մեր գյուղացիներին օգնել՝ շրջանցելով Ռուսաստանի պատժամիջոցները: Իհարկե, նման հարցերը լուծվում են ամենաբարձր մակարդակով և Սերժ Սարգսյանի դաբրոյով: Սա կլասսիկ սովետական սպեկուլյանտների գործելաոճն է:

Սաթեն Մանասյանի ֆեյսբուքյան էջից