Բոլորը ստիպված են եղել ներողություն խնդրել բոլորից. Լուկաշենկոյի խոսնակը ՀԱՊԿ քարտուղարի ընտրության վերաբերյալ (տեսանյութ)
«Այդ հարցի քննարկումը ոչ թե բուռն է եղել, այլ շատ բուռն։ Կրքերն այնքան թեժ են եղել, որ վերջում բոլորը ստիպված են եղել ներողություն խնդրել բոլորից», - ասաց Բելառուսի նախագահի մամուլի խոսնակ Նատալյա Էյսմոնտը մեկնաբանելով ՀԱՊԿ նոր գլխավոր քարտուղարի նշանակման հարցը:
Նա նաև հավելեց, որ նոր գլխավոր քարտուղարի հարցը պետք է լուծվի մինչև տարեվերջ:
«Ինչն է պետության ղեկավարների, այդ թվում՝ Ռուսաստանի նախագահի կողմից միանշանակորեն որոշված՝ այն է, որ այս հարցը պետք է լուծվի մինչև նոր (2019թ.) տարի», - ասաց նա:
Հիշեցնենք՝ նախօրեին ՀՀ վարչապետի պաշտոնակատար Նիկոլ Փաշինյանը Սանկտ Պետերբուրգում Բելառուսի նախագահից բացատրություն է պահանջել ՀԱՊԿ փակ նիստի մանրամասները Բելառուսում Ադրբեջանի դեսպանի հետ քննարկելու համար և նշել, որ իրեն բավարարել է Ալեքսանդր Լուկաշենկոյի պատասխանը:
Zham.am
Հետևեք մեզ Facebook-ում