Մյուս օրը ընտրություն է, այսօր վերջին օրն է, ամեն ինչ պետք է հասցնել. Ռոբերտ Քոչարյանի պաշտպան (Տեսանյութ)

Վերաքննիչ քրեական դատարանը մերժեց Ռոբերտ Քոչարյանի փաստաբանների բողոքները և ուժի մեջ թողեց Առաջին ատյանի դատարանի որոշումը՝ Ռոբերտ Քոչարյանի կալանավորման վերաբերյալ։

Ռոբերտ Քոչարյանի փաստաբան Հայկ Ալումյանն ասաց, որ մնացած մեկնաբանությունները կտան ժամը 18։00-ին հրավիրած ասուլիսում։

Հայկ Ալումյանն ասաց, որ դատավճռը բողոքարկվելու է։

«Ընթացքը ցույց կտա վճռաբեկ դատարանի և եվրոպական դատարանի որոշումը»,- ասաց փաստաբանը։ «Բոլոր հնարավոր տարբերակներով բողոքարկվելու է։ Սա աննախադեպ էր իր իրավաբանական ոլորտի խախտումներով։ Բնականաբար, կայացվել է ճնշումների արդյունքում, սա ակնհայտ է»,- ասաց փաստաբան Ալումյանը։

«Մենք չենք սպասի բոլոր ատյաններում սպառվելուն, կդիմենք ՄԻԵԴ»,- իր հերթին ասաց փաստաբան Ռուբեն Սահակյանը։

«Ռոբերտ Քոչարյանը երբեք չի արել այնպիսի բաներ, որոնք կարող էին թույլ տալ քննչական խմբի ղեկավարին հայտարարել, որ նա կխուսափի նախաքննությունից։ Հակառակ գործողություններ, որոնք ցույց են տալիս, որ նա չի խոչընդոտի, չի խուսափի, Ռոբերտ Քոչարյանն արել է»,- ասաց նա։

Zham.am