Range Rover, 17.5 մլն եկամուտ, բնակարան կենտրոնում. Ալեն Սիմոնյանի ունեցվածքը

Zham.am-ը ներկայացնում է «Իմ քայլը»  դաշինքի պատգամավորության թեկնածու, «ԵԼՔ» խմբակցության պատգամավոր Ալեն Սիմոնյանի ունեցվածքի հայտարարագիրը:

Սիմոնյանը, ինչպես բոլոր պատգամավորության թեկնածուները, ԿԸՀ է ներկայացրել  գույքի և դրամական միջոցների վերջին մեկ տարվա հայտարարագիրը՝  2017 թ-ի նոյեմբերի 1-ից, 2018 թ-ի նեյեմբերի 1-ը հաշվետու ժամանակահատվածով:

Այսպես, Ալեն Սիմոնյանը հաշվառված է Աբովյան 62, 6 հասցեում, բնակվում է Արամի 72, 29 հասցեում:

Որպես անշարժ գույք՝  Սիմոնյանը հայտարարագրել է 78 քմ մակերեսով 1 բնակարան, որը գտնվում է Եկմալյան 1/1, 76 հասցեում: Բնակարանը Սիմոնյանին պատկանում է համասեփականության իրավունքով:

Որպես շարժական գույք՝ Սիմոնյանը գրանցել է 2012 թ-ի Range Rover Evoque մոդելի  ավտոմեքենա:

1 տարվա ընթացքում Սիմոնյանը ստացել է հետևյալ եկամուտները՝

722 հազար 050 դրամ՝ աշխատավարձ Մեդիա Նյուզ ՍՊԸ-ից

2 մլն  766 800 դրամ՝  պատգամավորական աշխատավարձ,

14 մլն դրամ՝  փոխառություններ Հայէկոնոմ բանկից:

Եկամուտների ընդհանուր հանրագումարը՝ 17 մլն 488 հազար 850 դրամ:

Դրամական միջոցները կազմել են՝ 

2 մլն 560 հազար դրամ,

18 հազար 500 դոլար:

Նշենք նաև, որ բարձրաստիճան պաշտոնատար անձնաց էթիկայի հանձնաժողով ներկայացրած հայտարարագրում Սիմոնյանը գրանցել է նաև 50 000 դրամ արժողությամբ 1 բաժնեմաս, որը ԿԸՀ ներկայացրած հայտարարագրում նշված չէ:

Պատրաստեց Ակաթի Վահանյանը