«Իմ քայլի» և «Մենքի» ջրերը մի առվով չեն հոսում. ի՞նչ է իրականում կատարել
«Իմ քայլը» դաշինքով պատգամավորության թեկնածու Մեսրոպ Պապիկյանն անդրադարձել է «Մենք» դաշինքի կողմից տարածած հայտարարաությանը, գրելով՝
Հրավիրում եմ բոլորիդ ուշադրությունը, խնդրում եմ տարածել
Այսօր հարձակվել են ու ծեծել են իմ՝ թիվ 1 ընտրատարածքում «Իմ քայլը» դաշինքով առաջադրված պատգամավորի թեկնածու Մեսրոպ Պապիկյանիս, թիմի անդամներից մեկին:
Թիմի անդամը պաստառներ էր փակցնում Նոր Նորքի 6-րդ զանգվածում, երբ նկատել է, որ իր փակցված պաստառները փչացնում են, մոտեցել է նրանց, ովքեր դա արել են ու ենթարկվել հարձակման: Խփել են, ձեռքից հեռախոսը ընկել է գետնին այնուհետև երեսին են հարվածել:
Այս պահին ոստիկանության բաժանմունքում ենք, ցուցմունք ենք տալու: Քիչ առաջ նաև ոստիկանության ներկայացուցիչների հետ գնացինք «Մենքի» շտաբ, փորձում էինք հասկանալ, թե ինչ է տեղի ունեցել, բայց մեզ լավ չդիմավորեցին, հրաժարվեցին թեկնածուին կանչել, որ տեղում պարզաբանենք, թե ով է նման բան արել: Նման գործողությունները նոր Հայաստանին չեն սազում, նման պահվածքը դատապարտելի է:
Հիշեցնենք, որ ավելի վաղ «Մենք» դաշինքը հայտարարություն էր տարածել, որ Պապիկյանը ոստիկանների և մի խումբ անհայտ անձանց հետ ներխուժել է «Մենք» դաշինքի կենտրոնական գրասենյակ, անհարգալից վերաբերմունք է ցուցաբերելով ներկաների նկատմամբ՝ առանց թույլտվության նկարահանել են գրասենակում եղած աշխատանքային քարտեզները:
Հետևեք մեզ Facebook-ում