Սեյրան Օհանյան.«Եթե անվտանգությունը լիակատար չէ, ապա մյուս բոլոր հարցերը պետք է դիտարկվեն պետության անվտանգության համատեքստում». (տեսանյութ)
Պաշտպանության նախկին նախարար Սեյրան Օհանյանի, «Ժառանգություն» կուսակցության փոխնախագահ Արմեն Մարտիրոսյանի և «Համախմբում» կուսակցության նախագահ Վարդան Օսկանյանի մասնակցությամբ հրավիրված մամուլի ասուլիսին, Սեյրան Օհանյանը նշեց¸ որ իրենց դաշինքի շտաբի պետն է լինելու Արմեն Մարտիրոսյանը¸ իսկ մամուլի խոսնակը՝ Արեգնազ Մանուկյանը:
Խոսելով երկրի անվտանգության մասին¸ Օհանյանն ասաց. «Թիմ մեկ խնդիրն այսօր անվտանգույթունն է: Մեր պետությունը գտնվում է Հարավային Կովկասում, բարդ կոնֆլիկտներով լի մի տարածաշրջանում, և մենք դրա մասին մեկ վարկյան անգամ մոռանալու իարվունք չունենք: Եթե անվտանգությունը լիակատար չէ, ինչ որ բան սպառնում է, ապա մյուս հարցերը որքան էլ կարևոր լինեն պետք է դիտարկվեն հենց այդ շրջանակներում՝ պետության անվտանգության համատեքստում: Խոսելով անվտանգության մասին, ուզում եմ հատուկ ընդգծել, որ միայն բանակը չէ, միայն զինված ուժերը չեն, որ անվտանգության հիմքն են կազմում», - ասաց Սեյրան Օհանյանը:
Նախարարը նկատեց, որ վերջին տարիներին զգալի բարձրացել է ՀՀ Բանակի մարտունակությունը:
«Ամրապնդվել է բանակ-հասարակություն կապը և այդ ամենն արտահայտվել է 2014, 2015 և հատկապես 2016 թթ.»:
«Անկասկած անվտանգությունը բանակի հենց թիկունքն է՝ մեր տնտեսության վիճակը, մեր քաղաքացիների բարեկեցությունը, արտագաղթի տեմպերը, մեր հասարակության տրամադրությունները: Պետության անվտանգության ապահովման գործում կարևոր դերակատարություն ունեն ագրեսիայի դիմագրավման մի քանի ոլորտներ. դա երկրի տնտեսության վիճակն է, հատկապես բնակչության գաղափարական պատրաստվածությունը և հատկապես ռազմահայրենասիրական և հայրենասիրական դաստեարակության վիճակը, որի ուղղությամբ, կարծում եմ, հենց մեր ներսում մենք բավականին լուրջ աշխատանք ունենք իրականացնելու: Երկրի ներքին քաղաքականությունն է, արտաքին քաղաքականությունն է, կրթության և գիտության հնարավորությունների օգտագործումն է զինուժում, որոնք էլ հենց մաս են կազմում պաշտպանական քաղաքականության», - ասաց ՀՀ ՊՆ նախկին նախարարը:
Սեյրան Օհանյանը հավելեց, որ այս կառավարման մոդելն իրեն սպառել է և երկրի հետագա զարգացման համար անհրաժեշտ է նոր տնտեսություն, նոր քաղաքականություն, նոր մտածելակերպ, նոր հասարակական հարաբերություններ, նոր քաղաքական և պետական վերնախավ:
«Մենք ունենք բավականին լուրջ թիմ, որն իրականացնելու է ոլորտային ռազմավարական վերանայումներ և դրա շրջանակներում կազմվելու են համապատասխան ծրագրեր, որը մենք Ձեզ կներկայացնենք համաժողովի ժամանակ»:
Սեյրան Օհանյանը նաև խոսեց հայաստանյան քաղաքական դաշտում սպասվող պայքարի մասին, նշելով, որ շատ լավ գիտակցում է, որ թե նրա, թե նրա քաղաքական թիմի գործընկերների համար հեշտ չի լինելու:
«Լինելու է շատ մեծ դիմադրություն: Դրա վառ ապացույցն է այն արշավը, որը սկսվել է մեր դաշծինքի, դաշինքի անդամների, անձամբ իմ նկատմամբ... միամտություն է կարծել, որ այս ամենը մենք չենք հաշվարկել, չենք նախատեսել և համապատասխան միջոցառումներ չենք ձեռնարկել», - նկատեց Սեյրան Օհանյանը:
Մանրամասները՝ Zham.am - ի տեսանյութում: