Ինչո՞ւ է Փաշինյանը սպառնում դատաիրավական համակարգին

Երեկ, իր քարոզչական ելույթներից մեկում, Փաշինյանը, փաստացի սպառնաց ներկա դատավորներին, բացահայտ խոստովանելով, որ դեկտեմբերի 9-ի ընտրություններից հետո, սկսելու է իշխանափոխություն իրականացնել դատաիրավական համակարգում: Իր նախկին խոստումները այս ոլորտին չմիջամտելու վերաբերյալ, փաստացի, անցյալում մնացին:

Հետաքրքիր էր, որ խոսք չեղավ դատախազական համակարգի մասին, քանզի ներկայիս գլխավոր դատախազին արդեն «գրպանային է» դարձրել:

Ուշադրություն դարձնենք այն բանի վրա, որ Փաշինյանը փորձում է, արդեն բացահայտորեն, իշխանության երրորդ ճյուղը իրենով անել:

Առանց այդ էլ, երկրի դատաիրավական համակարգը իր անկախությունով երբեք չի փայլել: Իսկ հիմա, երբ նույնիսկ բացահայտորեն հռչակվում է, որ դատաիրավական համակարգը պետք է գործադիրի կցորդը դարձնել, փաստացի հրապարակային հայտ է ներկայացվում՝ երկրում արդեն չքողարկված ավտորիտար ռեժիմ հաստատելու վերաբերյալ:

Թե ինչ հետևանքների առաջ կարող է այս ամենը կանգնեցնել երկրին, նույիսկ կարիք չկա բացատրելու:
Համաշխարհային պատմագրությունը, այն ինչ որ կատարվում է այսօր Հայաստանում, վաղուց նախազգուշացրել է:

Պարզապես անկեղծորեն չէի պատկերացնում, որ մեր այսօրվա հանրային գիտակցությունը այս աստիճանի է գավառական և թերզարգացած, որ չի գիտակցում երկրին սպասվող լրջագույն սպառնացող վտանգները:

Արտակ Հակոբյան