Մինչև 18:30-ը ժամանակ եմ տալիս. Դավիթ Շահնազարյանը՝ Նիկոլ Փաշինյանին
ՀՀԿ նախընտրական ցուցակում երկրորդ համարը զբաղեցնող թեկնածու Դավիթ Շահնազարյանը ՀՀ վարչապետի պաշտոնակատար, «Իմ քայլը» դաշինքը գլխավորող Նիկոլ Փաշինյանին հրավիրեց բանավեճի:
«Եթե վարչապետը համարում է, որ որևէ բառ իրականությանը չի համապատասխանում, ես նրան հրավիրում եմ այսօր բաց ու հրապարակային բանավեճի։ Նա ժամանակ ունի մինչև 18:30-ը՝ Հ1-ի ուղիղ եթերում»,- այսօր լրագրողների հետ հանդիպման ժամանակ հայտարարեց Դավիթ Շահնազարյանը:
«Եթե նա այսօր եթերի չեկավ, ուրեմն դրանով իսկ կապացուցի այն, որ այստեղ իմ կողմից հնչեցվածը բացարձակապես ճշմարտությունն է:
Ախր, դուք նույնիսկ գերիների փոխանակման հարցը չեք կարողանում լուծել, մի վախեցեք, որևէ մեկին չենք ասի, որ խորհրդակցել եք»,- ասաց Շահնազարյանը:
Zham.am