207 մլն դրամ եկամուտ, հողակտորներ, բաժնեմասեր, թանկարժեք ավտոմեքենա.Արամ Հարությունյանի ունեցվածքը

Ինչպես արդեն տեղեկացրել ենք՝  գլխավոր դատախազ Արթուր Դավթյանն այսօր միջնորդություն է ներկայացրել ԱԺ՝ պատգամավոր Արամ Հարությունյանի նկատմամբ քրեական հետապնդում հարուցելու և կալանավորելու համար:

Վերջինս մեղադրվում է առանձնապես խոշոր չափերով կաշառք ստանալու համար, սա այն կաշառքի դեպքն է, որի մասին ավելի վաղ հայտարարել էր վարչապետի պաշտոնակատար Նիկոլ Փաշինյանը:

Zham.am-ն ուսումնասիրել և ձեզ է ներկայացնում Արամ Հարությունյանի ունեցվածքը՝ ըստ պաշտոնական հայտարարագրի:

Այսպիսով, ս/թ մարտի 6-ին ներկայացրած 2017 թվականի տարեկան հայտարարագրում Արամ Հարությունյանը գրանցել է 90 մլն դրամ արժողությամբ 1 բաժնետոմս:

Տարվա ընթացքում Արամ Հարությունյանը ձեռք է բերել 12 հողակտոր՝ 

6 հողակտորը՝ 50 000 դրամով,

2 հողակտորը՝ 75 000 դրամով,

մնացածը՝ 90 000 դրամ, 120 000 դրամ, 300 000 դրամ, 15 մլն դրամ արժեքներով:

Պատգամավորը 150 000 դրամով ձեռք է բերել հասարակական նշանակության 1 շինություն,

40 մլն դրամով՝  MERCEDES-BENZ S500L 4 MATIC մոդելի ավտոմեքենա:

Արամ Հարությունյանի դրամական միջոցները կազմել են՝

1 178 դրամ,

1 մլն 531 718 դոլար,

4 202 եվրո:

Եկամուտները կազմել են 206 մլն 859 446 դրամ, որը գոյացել է հետևյալ միջոցներից՝ 

166 մլն 469 708 դրամ՝ շահաբաժին, 

2 մլն 700 000 դրամ՝ վարձակալության դիմաց ստացված վճար,

33 մլն 635 888 դրամ՝ տրված փոխառություններից ստացված եկամուտ,

4 մլն 53 850 դրամ՝ աշխատանքի վարձատրություն:

Պատգամավորական պաշտոնի ստանձման հայտարարագրում, որը ներկայացվել է 2017 թվականի մայիսի 29-ին, Արամ Հարությունյանը գրանցել է 14 հողակտոր, 2 բնակարան, 1 ավտոտնակ, հասարակական նշանակության 2 շինություն:

Պատգամավորը գրանցել է 3 բաժնեմաս հետևյալ արժեքներով՝ 

4 մլն 72 000 դրամ,
4 մլն 38 722 դրամ,
4 մլն 870 000 դրամ: 

Դրամական միջոցները կազմել են՝

1 մլն 270 174 դոլար,

555 եվրո:

Եկամուտները կազմել են 46 մլն 499 491 դրամ, որը գոյացել է հետևյալ կերպ՝

1 մլն 125 000 դրամ՝ վարձակալության դիմաց ստացված եկամուտ,

37 մլն 785 000 դրամ՝ շահաբաժին,

7 մլն 589 491 դրամ՝ տրված փոխառություն ների դիմաց ստացված եկամուտ:

Արամ Հարությունյանի կինը՝ Հասմիկ Աբգարյանը 2017 թվականի հայտարարագրում գրանցել է հետևյալ եկամուտները՝ 

2 մլն 700 000 դրամ՝ վարձակալության դիմաց ստացված եկամուտ;

30,600 դոլար՝  վարձակալության դիմաց ստաված եկամուտ:

Հարկային տարվա սկզբում Հասմիկ Աբգարյանն ունեցել է 76 500 եվրո, որը տարվա ավարտին աճել է՝ դառնալով 127 381 եվրո:


Պատրաստեց՝ Ակաթի Վահանյանը