Մենք վիրավորված չենք, որ «Լազարեւյան ակումբի» նիստին Հայաստանի վարչապետը բացակայում է. Զատուլին (տեսանյութ)
Երեւանում ընթացող «Լազարեւյան ակումբի» առաջին նիստին մենք Հայաստանից եւ Ռուսաստանից մեծ թվով մարդկանց ենք հրավիրել, սակայն, ինչպես հասկանում եմ, դրան ոչ բոլորը կմասնակցեն: Այս մասին Երեւանում լրագրողների հետ զրույցում ասաց ՌԴ Պետդումայի ԱՊՀ եւ հայրենակիցների հետ կապերի հարցերով կոմիտեի առաջին փոխնախագահ Կոնստանտին Զատուլինը:
Զատուլինը նշեց, որ կազմակերպիչներն են Հայաստանի ամբողջ ղեկավարությունը:
«Մենք տեղյակ ենք, իհարկե, որ Հայաստանի նախագահը, համենայնդեպս, այցով արտասահմանում է եւ պատրաստվում է մասնակիցներին հանդիպել վաղը միջոցառման փակմանը: Խորհրդարանի խոսնակ Արա Բաբլոյանը Սանկտ Պետերբուրգում է միջխորհրդարանական վեհաժողովի լիագումար նիստում: Դե, իսկ որքանով գիտեմ, վարչապետի պաշտոնակատար Նիկոլ Փաշինյանը ներկայումս ակտիվորեն մասնակցում է նախընտրական քարոզարշավին: Մենք այս մարդկանցից վիրավորված չենք: Մենք հրավիրել ենք Հայաստանի եւ Լեռնային Ղարաբաղի առանց բացառության բոլոր նախկին ղեկավարներին, ինչպես նաեւ ԼՂՀ գործող նախագահին, որը, հույս ունեմ, վաղը նիստին ելույթ կունենա»,- ասաց Զատուլինը:
Մանրամասները՝ NEWS.am-ի տեսանյութում:
Հետևեք մեզ Facebook-ում