Ոչ թե Վիգեն Սարգսյան-Նիկոլ Փաշինյան, այլ Սերժ Սարգսյան-Նիկոլ Փաշինյան բանավեճ
Քաղաքագետ Հայկ Բալանյանը ֆեյսբուքյան իր էջում գրել է.
«Իմ կարծիքով Վիգեն Սարգսյանի հաշվարկը հետևյալն է. Ն.Փաշինյանը կհրաժարվի մասնակցել բանավեճին, իսկ իրենք կասեն, որ վախեցան:
Վիգեն Սարգսյանի համար կարևոր է ցույց տալ, որ ինքն է թիվ 1 ընդդիմադիրը, ընդդիմության լիդերը, նաև ՀՀԿ լիդերը, և այս բանավեճի հրավերով ինքը ուզում է Ն.Փաշինյանին հավասար կանգնի, հանրության մեջ ընկալվի որպես համարժեք ֆիգուր, քաղաքական գործիչների մեջ իր ռանգը բարձրացնի, դուրս գա մնացածների շարքից:
Թե ինչու պիտի Նիկոլ Փաշինյանը նման պերսոնալ նվեր մատուցի Վիգեն Սարգսյանին, մնում է անհայտ: Ի վերջո Ն.Փաշինյանը ցուցակում չկա ընդհանրապես, ինչպես չկան նաև Գագիկ Ծառուկյանը կամ Սերժ Սարգսյանը: Իսկ երկրի գլխավոր բանավեճը՝ Ս.Սարգսյան-Ն.Փաշինյան, վարչապետը հաղթեց՝ ես սխալվեցի, Նիկոլը ճիշտ էր:
Եվ եթե կա ցանկություն կրկնելու, ապա իմաստ ունի կրկնել նույն ֆորմատով՝ Սերժ Սարգսյան-Նիկոլ Փաշինյան, քանի որ Վիգեն Սարգսյանն այդ տրամաչափի մեջ չէ, չնայած այս հրավերով ուզում էր այդ տրամաչափը ստանալ:
Իսկ Սերժ Սարգսյան-Նիկոլ Փաշինյան 2 բանավեճը ես մեծ հաճույքով կնայեի: Կարծում եմ, որ այս դեպքում էլ Սերժ Սարգսյանը կհրաժարվի, դե բայց Վիգեն Սարգսյանին լավագույն պատասխանը իմ կարծիքով սա է»:
Հետևեք մեզ Facebook-ում